होळीच्या दिवशी उत्तर प्रदेशातील फतेहपूर जिल्ह्यात दोन पक्षांमध्ये रंग लावण्यावरून वाद झाला. वाद इतका वाढला की दोन्ही बाजूंनी दगडफेक झाली. दरम्यान, प्रयागराजमध्ये भांडणात दोघांचा मृत्यू झाला, तर संभलमध्ये काहींनी मशिदीवर रंग फेकला. (UP News)

फतेहपूरमध्ये दगडफेक
यूपीच्या फतेहपूरमध्ये रंग लावण्यावरून दोन पक्षांमध्ये वाद झाला. ही माहिती मिळताच घटनास्थळी पोहोचलेल्या डीएम, एसपी यांच्या वाहनांवरसंतप्त लोकांनी दगडफेक केली. यात महिला पोलिसांसह अनेक पोलिस (Police) जखमी झाले. त्यांना जवळच्या आरोग्य केंद्रात उपचारासाठी नेण्यात आले.

अमेठीमध्ये दोन जणांचा मृत्यू
अशाच आणखी एका घटनेत अमेठीच्या बाबूपूर गावात होळीचे (Holi) रंग लावण्यावरून दोन गटांमध्ये झालेल्या हाणामारीत दोन जणांचा मृत्यू झाला, तर 6 जण जखमी झाले. शुक्रवारी जिल्ह्यातील जामो पोलिस ठाण्याच्या हद्दीतील रेवदापूर गावात होळी खेळण्याच्या किरकोळ वादातून दोन गटात रक्तरंजित हाणामारी झाली, त्यात दोघांचा मृत्यू झाला, तर सहा जण जखमी झाले. अशी माहिती पोलिसांनी दिली.

प्रयागराजमध्ये मद्यधुंद अवस्थेत दोन गटात भांडण, दोघांचा मृत्यू
प्रयागराजमध्ये शुक्रवारी होळीच्या उत्सवादरम्यान मद्यधुंद अवस्थेत असलेल्या दोन गटांमध्ये झालेल्या हाणामारीत दोन जणांचा मृत्यू झाला. पीडितांपैकी एकाला काठीने मारहाण करण्यात आली, तर दुसऱ्याला गोळ्या घालून ठार करण्यात आले. राहुल सोनकर (25) आणि संजय राजपूत (35) अशी मृतांची नावे आहेत. वरिष्ठ पोलिस अधीक्षक अजय कुमार यांनी सांगितले की, जॉर्जटाउन पोलिस स्टेशन हद्दीतील दांडिया परिसरात होळी खेळत असताना मद्यधुंद अवस्थेत दोन गटांमध्ये भांडण झाले. गोळी लागल्यानंतर राहुलला रुग्णालयात (Hospital) नेले असता डॉक्टरांनी त्याला मृत घोषित केले. आरोपींना पकडण्यासाठी पोलिसांची पाच पथके तयार करण्यात आली आहेत.