Assam Bihu Dance: जगभरातील लोक 31 डिसेंबर आणि 1 जानेवारीला नवीन वर्ष साजरे करतात. मात्र, असले तरी आसाममध्ये 13 एप्रिलला नवीन वर्षाचा उत्साह पाहायला मिळाला.

गुवाहाटीतील सरुसजाई स्टेडियमवर गुरुवारी संध्याकाळी एक हजाराहून अधिक कलाकारांनी एकत्र बिहू नृत्य करुन गिनीज वर्ल्ड रेकॉर्ड बनवला आहे. बिहू उत्सवाला आसामी संस्कृतीची जीवनरेखा देखील म्हटले जाते.

दरम्यान, आसामचे मुख्यमंत्री हिमंता बिस्वा सरमा (Himanta Biswa Sarma) उपस्थित होते. यावेळी 11,304 बिहुआ-बिहुवतींनी एकत्र नृत्य केले. नर्तकांसोबतच 2528 ढोलकी वादकांनीही येथे सादरीकरण केले. हा कार्यक्रम पाहण्यासाठी संपूर्ण स्टेडियम प्रेक्षकांनी खचाखच भरले होते.

पीएम मोदींच्या उपस्थितीत सरकारकडून प्रमाणपत्र मिळणार आहे

गिनीज वर्ल्ड रेकॉर्डच्या प्रतिनिधींची टीम स्टेडियममध्ये उपस्थित होती. 14 एप्रिलला अर्थात, आज पंतप्रधान मोदी आसामला (Assam) भेट देणार आहेत. त्यांच्या उपस्थितीत या रेकॉर्डचे प्रमाणपत्र आसाम सरकारला सुपूर्द केले जाणार आहे. या यशाबद्दल मुख्यमंत्री हिमंता बिसवा यांनी सर्व बिहुवा-बिहुतींचे हार्दिक अभिनंदन केले आहे.