अ‍ॅक्टिंगअँड इट्स मॅग्नेटिझम’ ही 8 दिवसांची नाट्यविषयक कार्यशाळा काणकोण येथील तळपण नदीच्या काठावरच्या निसर्गरम्य गावात पार पडली. हावभाव, आवाज आणि शारीरिकता या नाटकाच्या मूलभूत घटकांवर या कार्यशाळेत लक्ष केंद्रित केले गेले होते.

दर दिवशी पहाटे पाच 5 वाजता सुरू होणाऱ्या या कार्यशाळेत कलारीपयट्टू, नवरस, शरीर आणि भावना या संबंधात 8 तासांचा कठोर दिनक्रम पाळला जात होता. गोव्याव्यतिरिक्त मुंबई, बेंगळूर, जयपूर आणि गुजरात अशा वेगवेगळ्या ठिकाणावरच्या एकंदर 11 प्रशिक्षणार्थ्यांनी या कार्यशाळेत भाग घेतला.

गेली काही वर्षे थिएटर फ्लेमिंगो एक्टर्स लॅब अशा प्रकारच्या निवासी नाट्य कार्यशाळांचे आयोजन करत आली आहे. यंदाची ही त्यांची 12वी निवासी कार्यशाळा होती.

यंदाच्या कार्यशाळेत शेक्सपियरच्या ‘मॅक्बॅथ’ या प्रसिद्ध नाटकाच्या आधारावर एक विशेष नाट्यरचनेची निर्मिती सहभागी प्रशिक्षणार्थ्यांकडून करून घेण्यात आली. शरीर माध्यमाचा उपयोग करून अभिनेत्याच्या कौशल्याला अधिक सक्षम बनवणे हा या उपक्रमाचा उद्देश होता.

कार्यशाळेचा समारोप मॅक्बॅथवर आधारलेल्या ‘मूकभट’ या नाट्य सादरीकरणाने झाला. कार्यशाळेत सराव केल्या गेलेल्या व्यायामांचा व रसपूर्ण हावभावांचा अविष्कार अभिनेत्यांद्वारा या सादरीकरणात केला गेला.