पुढील महिन्यात सर्वसामान्यांना महागाईचा आणखी मोठा एक धक्का बसणार असल्याची शक्यता वर्तविण्यात येत आहे. दिल्ली (Delhi) आणि मुंबईसारख्या (Mumbai) शहरांमध्ये, सीएनजी (CNG) आणि स्वयंपाक गॅस (PNG) च्या किमती पुढील महिन्यात 10-11 टक्क्यांनी वाढू शकतात अशी शक्यता अर्थतज्ञांकडून व्यक्त करण्यात येत आहे. आयसीआयसीआय सिक्युरिटीजने (ICICI Securities) एका अहवालात म्हटले आहे की, सरकार ऑक्टोबरमध्ये गॅसच्या किंमतीत सुमारे 76 टक्के वाढ करु शकते असही यावेळी सांगण्यात आले आहे. गॅसच्या किंमतीत वाढ केल्याने ड्रायव्हिंग आणि स्वयंपाक गॅस अधिक महाग होणार आहे. नवीन घरगुती गॅस धोरण 2014 अंतर्गत नैसर्गिक वायूचे दर सहा महिन्यांनी निश्चित केले जातात. हे सूत्र परदेशी किमतींवर आधारित आहे. त्याचे पुढील पुनरावलोकन 1 ऑक्टोबर रोजी होणार. ऑक्टोबरनंतर गॅसचे दर एप्रिल 2022 मध्ये निश्चित केले जातील.

गॅसची किंमत खूप वाढेल

एपीएम किंवा प्रशासित दर नावाची किंमत 1 ऑक्टोबर 2021 ते 31 मार्च 2022 या कालावधीसाठी वर्तमान $ 1.79 पासून 3.15 डॉलर प्रति दशलक्ष ब्रिटिश थर्मल युनिट (एमएमबीटीयू) असेल असे ब्रोकरेजने सांगितले. रिलायन्स इंडस्ट्रीज लिमिटेडच्या KG-D6 आणि BP Plc सारख्या खोल पाण्याच्या क्षेत्रातील गॅसचे दर पुढील महिन्यात $ 7.4 प्रति mmBtu पर्यंत वाढतील. नैसर्गिक वायू हा कच्चा माल आहे जो ऑटोमोबाईलमध्ये इंधन म्हणून वापरण्यासाठी कंप्रेस्ड नेचुरल गैस (सीएनजी) मध्ये बदलला जातो.

किंमती 10-11 टक्क्यांनी वाढू शकतात

आयसीआयसीआय सिक्युरिटीजने एका अहवालात म्हटले आहे की, सिटी गॅस वितरकांना (सीजीडी) ऑक्टोबरमध्ये किमती 10-11 टक्क्यांनी वाढवाव्या लागतील. आंतरराष्ट्रीय बाजारपेठेतील कलानुसार, एप्रिल 2022 ते सप्टेंबर 2022 मध्ये APM गॅसची किंमत US $ 5.93 प्रति mmBtu आणि ऑक्टोबर 2022 ते मार्च 2023 दरम्यान US $ 7.65 प्रति mmBtu असण्याची शक्यता आहे.

एप्रिल 2022 मध्ये सीएनजी आणि पीएनजीच्या किंमती वाढतील

याचा अर्थ एप्रिल 2022 मध्ये सीएनजी आणि पाइप्ड प्राकृतिक नैसर्गिक वायू (पीएनजी) च्या किमतीत 22-23 टक्के आणि ऑक्टोबर 2022 मध्ये 11-12 टक्के वाढ होईल.

किंमती 49 ते 53 टक्क्यांनी वाढतील

एपीएम गॅसची किंमत FY22 च्या पहिल्या सहामाहीत $ 1.79 प्रति mmBtu वरून FY23 च्या दुसऱ्या सहामाहीत $ 7.65 प्रति mmBtu झाली याचा अर्थ MGL आणि IGL ला ऑक्टोबर 2021 ते ऑक्टोबर 2022 दरम्यान 49-53 टक्क्यांनी वाढ करावी लागेल.

या कंपन्यांना फायदा होईल

गॅसच्या किंमतीत वाढ केल्याने ओएनजीसी आणि ऑईल इंडिया लिमिटेड (ओआयएल) तसेच रिलायन्स इंडस्ट्रीज लिमिटेड सारख्या खाजगी कंपन्यांचे मार्जिन वाढण्यास मदत होईल.