आजकाल जीबी व्हॉट्सअ‍ॅपबद्दल खूप काही ऐकायला मिळत आहे. तुम्ही कधी जीबी व्हॉट्सअ‍ॅपबद्दल ऐकले आहे का? नसेल, तर ती चांगली गोष्ट आहे.

कारण ते किती धोकादायक आहे हे तुम्हाला माहिती नाही. जर तुम्ही ते चुकून डाउनलोड केले असेल तर तुम्ही ते त्वरित डिलिट करा.

हे अ‍ॅप तुमची सर्व माहिती चोरू शकते. जेव्हा जेव्हा एखाद्या मेसेजिंग अ‍ॅपचे नाव आपल्या मनात येते तेव्हा सर्वप्रथम आपल्या डोळ्यांसमोर व्हॉट्सअ‍ॅप येते. कार्यालयिन आयुष्य असो की वैयक्तिक आयुष्य, ते सतत त्याच्याभोवतीच फिरत असतं.

एकीकडे व्हॉट्सअ‍ॅप युजर्समध्ये खूप लोकप्रिय आहे. त्याचबरोबर जीबी व्हॉट्सअ‍ॅपही पाय पसरण्याचा प्रयत्न करत आहे.

हे एक धोकादायक अ‍ॅप आहे जे यूजर्सचा डेटा चोरते आणि त्यामुळेच आपल्याला त्यापासून सावधगिरी बाळगण्याची गरज आहे. चला तर मग जाणून घेऊया काय आहे GB WhatsApp.

जीबी व्हॉट्सअ‍ॅप म्हणजे काय?

हे अ‍ॅप व्हॉट्सअ‍ॅपचे क्लोन आहे. या जीबी व्हॉट्सअ‍ॅपवर यूजर्स व्हॉट्सअ‍ॅपप्रमाणेच चॅटिंग, कॉलिंग इत्यादी करू शकतात.

जीबी व्हॉट्सअ‍ॅप यूजर्सना कस्टमायझेशन सुविधा देखील देते. यात काही अतिरिक्त फीचर्स देखील देण्यात आले आहेत, ज्यामुळे त्याचा वापर अधिक सुलभ होतो.

या विवध सुविधा असलेले हे अ‍ॅप यूजर्सना वैयक्तिक माहितीसाठी अत्यंत धोकादायक ठरू शकते.

जीबी व्हॉट्सअ‍ॅप लिगल आहे का?

हे लक्षात घेणे महत्त्वाचे आहे की जीबी व्हॉट्सअ‍ॅप हे अधिकृत व्हॉट्सअ‍ॅप प्रोडक्ट नाही. त्यामुळे त्यामध्ये अनेक सुरक्षा धोके आहेत.

गेल्या काही काळात मालवेअरद्वारे यामध्ये हॅकिंगचे अनेक प्रयत्न झाले आहेत. तसेच जीबी व्हॉट्सअ‍ॅपचा वापर अधिकृत व्हाट्सएपच्या सेवा अटींचे उल्लंघन करतो.

मेटा कंपनीचा सल्ला

व्हॉट्सअ‍ॅपची मालकी असलेल्या मेटा कंपनीने, सुरक्षा त्रुटींमुळे जीबी व्हॉट्सअ‍ॅप सह व्हॉट्सअ‍ॅपच्या अनधिकृत व्हर्जनचा वापर टाळण्याचा सल्ला देते.

या अनाधिकृत अ‍ॅप्सचा वापर रोखण्यासाठी, कंपनीने कठोर धोरणे लागू केली आहेत आणि त्यांचे उल्लंघन करणाऱ्यांना ब्लॉक केले आहे.

जीबी व्हॉट्सअ‍ॅप सारख्या थर्ड पार्टी अ‍ॅप्समुळे यूजर्सना खाजगी डेटाचे उल्लंघन, मालवेअर अ‍ॅटॅक आणि इतर सुरक्षा धोका उद्भऊ शकतो.

खबरदारी म्हणून, मेटाने यूजर्सना केवळ Google Play Store किंवा Apple App Store सारख्या सुरक्षीत माध्यमातून अधिकृत WhatsApp डाउनलोड करून वापरण्याचे आवाहन केले आहे.

जीबी व्हॉट्सअ‍ॅपचा वापर का टाळावा?

सुरक्षा धोके: जीबी व्हॉट्सअ‍ॅप हे एक अनधिकृत अ‍ॅप आहे ज्याला WhatsApp द्वारे मान्यता नाही. याचा अर्थ असा की त्यात कदाचित व्हॉट्सअ‍ॅपच्या अधिकृत अ‍ॅपने दिलेली सुरक्षा आणि एन्क्रिप्शनची पात्रता नाही, ज्यामुळे तुमचा वैयक्तिक डेटा धोक्यात येऊ शकतो.

डेटा प्रायव्हसी : जीबी व्हॉट्सअ‍ॅपला यूजर्सनी कॉन्टॅक्ट लिस्ट आणि डिव्हाइस इन्फोर्मेशन यासारख्या वैयक्तिक माहितीचा अ‍ॅक्सेस आवश्यक आहे. त्यामुळे तुमची ही खासगी माहिती वाईट हेतूंसाठी वापरली जाऊ शकते.

वापर समस्या: जीबी व्हॉट्सअ‍ॅप सर्व डिव्हाइसेस आणि ऑपरेटिंग सिस्टमशी सुसंगत असू शकत नाही. यामुळे अ‍ॅपच्या कार्यक्षमतेमध्ये समस्या उद्भवू शकतात आणि त्यामुळे तुमचा डेटा करप्ट होऊ शकतो.

अधिकृत व्हॉट्सअ‍ॅपच उत्तम पर्याय

जीबी व्हॉट्सअ‍ॅपचा वापर तुम्हाला काही अतिरिक्त वैशिष्ट्ये आणि गोपनीयता पर्याय देऊ शकते, परंतु संभाव्य सुरक्षा आणि गोपनीयतेच्या जोखमींमुळे ते डाउनलोड आणि वापरणे टाळावे.

तुमच्या वैयक्तिक डेटाची सुरक्षितता आणि सुरक्षितता सुनिश्चित करण्यासाठी अधिकृत WhatsApp वापरणे केव्हाही उत्तम.