करार रद्द केल्यानंतर टेस्लाचे सीईओ एलोन मस्क (Elon Musk) आणि ट्विटर यांच्यातील वाद वाढत दिवसेंदिवस चालला आहे. याप्रकरणातील एक नवीन बातमी समोर आली आहे. करार रद्द करण्यापूर्वी मस्क यांनी ट्विटरचे सीईओ पराग अग्रवाल यांना एक मेसेज पाठवून धमकी दिली होती. हा मेसेज 28 जून रोजी पाठवण्यात आल्याचे समोर येत आहे. (Twitter Controversy Elon Musk)

या धमकीची माहिती ट्विटरवरून मस्क यांच्याविरोधात दाखल करण्यात आलेल्या खटल्यात देण्यात आली. इलॉन मस्क यांनी मेसेजमध्ये ट्विटरचे वकील अडचणी निर्माण करण्याचा प्रयत्न करत असल्याचे यावेळी म्हटले आहे. ट्विटरच्या वकिलांनी ज्या आर्थिक माहितीवरून ट्विटर विकत घ्यायचे होते, तेव्हा मस्कने हा मेसेज पराग अग्रवाल यांना पाठवला होता असे सांगण्यात येत होते.

ट्विटरवर खोटे बोलण्याचा आरोप

काही दिवसांपूर्वी, सोशल मीडिया कंपनीने मस्कच्या विरोधात केस देखील दाखल केली आहे, जेव्हा त्याने $ 44 अब्जचा अधिग्रहण करार मागे घेण्याचा निर्णय घेतला, द व्हर्जमधील दुसर्‍या वृत्तानुसार, मस्क यांच्यावर खोटे बोलल्याचा आरोप करत मंगळवारी डेलावेर येथील कोर्ट ऑफ चॅन्सरीमध्ये खटला दाखल करण्यात आला आहे.

मस्क यांनी ट्विटर डील रद्द केली होती

एलोन मस्क यांनी काही दिवसांपूर्वी ट्विटरचे अधिग्रहण करण्याची घोषणा केली आणि यानंतर त्यांनी नुकताच हा करार रद्द केला आहे. मात्र, ट्विटर डील रद्द करण्याचा निर्णय आलेला नसून मस्क यांनी आधीच तसे संकेत दिले होते. त्यांनी ट्विट करून सांगितले होते की, मला आता या करारात रस नाहीये. याआधी मस्कने जाहीर केले होते की, ते काही काळ हा करार होल्डवर ठेवत आहेत.

डील रद्द झाल्यानंतर ट्विटर कोर्टात पोहोचले, डील रद्द केल्याप्रकरणी ट्विटरने कोर्टात धाव घेतली. मीडिया रिपोर्ट्सनुसार, ट्विटरने या प्रकरणात युक्तिवाद केला की एलोन मस्क हे करार करण्यास बांधील आहेत. मस्क यांना करारात रस नाही हे त्यांनी जाहीरपणे जाहीर करायला हरकत नाही.