अमेरिकन वाहन उत्पादक कंपनी जीपने (Jeep) भारतातील जीप कंपाससाठी (Jeep Compass) आपल्या पोर्टफोलिओमध्ये बदल केला आहे. कंपनीने भारतात कंपासचे सध्याचे बेस व्हेरिएंट बंद केले आहे. बेस व्हेरिएंट कंपास स्पोर्ट पेट्रोल मॅन्युअल आहे. त्यानंतर आता या कारचे बेस व्हेरिएंट 1.4-लीटर टर्बो पेट्रोल इंजिनसह 7-स्पीड डीसीटी गिअरबॉक्स मॉडेल आहे. बंद केलेला प्रकार 1.4-लिटर टर्बो-पेट्रोल इंजिनसह ऑफर करण्यात आला होता.

हे इंजिन 163 PS पॉवर आणि 250 Nm टॉर्क जनरेट करत असे. हे इंजिन 6-स्पीड मॅन्युअल ट्रान्समिशनसह येत असे. ते बंद केल्यानंतर, आता कंपासचे फक्त 2.0-लिटर डिझेल इंजिन मॅन्युअल ट्रान्समिशन पर्यायासह दिले जाते. हे इंजिन 172 पीएस पॉवर आणि 350 एनएम टॉर्क जनरेट करते.

बेस मॉडेलची किंमत-

कंपनीने फक्त 1.4-लिटर टर्बो पेट्रोल इंजिनसह मॅन्युअल ट्रान्समिशन प्रकार बंद केला आहे. यात इंजिनसह स्वयंचलित ट्रांसमिशन प्रकार अद्यापही खरेदी केला जाऊ शकतो. या कारच्या किमतीत कंपनीने कोणताही बदल केलेला नाही. आता या कारच्या सर्वात कमी व्हेरिएंटची किंमत 21.09 रुपये आहे. तर त्याच्या टॉप मॉडेलची एक्स-शोरूम किंमत 31.29 लाख रुपये आहे.

ही एक अतिशय लोकप्रिय एसयूव्ही आहे, जी तिच्या पॉवर आणि परफॉर्मन्ससाठी ओळखली जाते. ही कार भारतीय बाजारपेठेतील Volkswagen Tiguan, Tata Harrier, Citroën C5 Aircross आणि Hyundai Tucson सारख्या कारशी स्पर्धा करते. याशिवाय या कारच्या कोणत्याही प्रकारात इतर कोणतेही बदल करण्यात आलेले नाहीत.

गाडीची कोणती आहेत फीचर्स-

कंपासच्या बंद केलेल्या व्हेरियंटमध्ये दुसऱ्या-रोमध्ये AC व्हेंट्स, 8.4-इंच टचस्क्रीन इन्फोटेनमेंट डिस्प्ले, EBS सह ABS, इलेक्ट्रॉनिक स्टेबिलिटी कंट्रोल, फोर स्पीकर, ड्युअल-फ्रंट एअरबॅग्ज, रिव्हर्स पार्किंग कॅमेरा यांसारखी फीचर्स कारमध्ये देण्यात आली आहेत. कार तिच्या पॉवरफुल फीचर्समुळे आणि आकर्षक किंमतीमुळे खूप लोकप्रिय आहे, तरीही तिची फारशी विक्री होत नाही. म्हणून कंपनीने भारतात याची विक्री बंद करण्याचा निर्णय घेतला असावा, अशी शक्यता वर्तवण्यात येत आहे.