आज शेअर मार्केटमधील व्यवहाराची सुरुवात घसरणीसह झाली आहे. जागतिक शेअर बाजारात दिसत असलेल्या घसरणीच्या संकेताचा परिणाम भारतीय शेअर बाजारावर दिसून आला आहे. सेन्सेक्स आणि निफ्टीमध्ये जवळपास सव्वा टक्के घसरण झाली आहे. (Share Market Today News)

आज शेअर मार्केट सुरू होताच सेन्सेक्स निर्देशाकांत 647.37 अंकांची घसरण होत 54,188.21 अंकावर खुला झाला. तर, निफ्टीमध्ये 183.55 अंकाची घसरण होऊन 16,227.70 अंकावर सुरू झाला. मागील काही दिवसांपासून शेअर मार्केटमध्ये घसरण पाहायला मिळत आहे. सकाळी 9.35 वाजण्याच्या सुमारास सेन्सेक्समध्ये 757.16 अंकाची घसरण होत 54,080 अंकावर व्यवहार करत होता. तर, निफ्टीमध्ये 222 अंकाची घसरण होऊन 16,189 अंकावर व्यवहार करत होता.

* रुपयात घसरण

आज डॉलरच्या तुलनेत रुपयांत 21 रुपयांची घसरण झाली आहे. आज डॉलरच्या तुलनेत रुपया 77.13 प्रति डॉलर इतक्या किंमती खुला झाला आहे. हा रुपयाचा आतापर्यंतचा नीचांकी दर आहे. शुक्रवारी डॉलरच्या तुलनेत रुपयांची किंमत 76.92 रुपये इतकी झाली आहे.