Small Savings Interest Rates Increased: बचत योजनांमध्ये पैसे गुंतवणाऱ्यांना केंद्र सरकारने मोठी भेट दिली आहे. जर तुम्ही बचत योजनांमध्ये पैसे गुंतवले असतील तर आतापासून तुम्हाला अधिक व्याजाचा लाभ मिळेल.
अर्थ मंत्रालयाच्या वतीने अधिसूचना जारी करुन ही माहिती देण्यात आली आहे. यावेळी सरकारने आरडीच्या व्याजदरात 0.3 टक्क्यांनी वाढ केली आहे. बँक ठेवींवरील वाढत्या व्याजदराच्या पार्श्वभूमीवर सरकारने हे पाऊल उचलले आहे.
गुंतवणुकदारांमध्ये (Investors) लोकप्रिय सार्वजनिक भविष्य निर्वाह निधी (PPF) वर मिळणाऱ्या व्याजात कोणताही बदल झालेला नाही आणि तो 7.1 टक्के कायम ठेवण्यात आला आहे.
अर्एथ मंत्रालयाकडून मिळालेल्या माहितीनुसार, 0.3 टक्के आरडीवर सर्वाधिक व्याजाची रक्कम वाढवण्यात आली आहे. यासह, फ्रिक्वेन्सी ठेव धारकांना चालू आर्थिक वर्षाच्या दुसऱ्या तिमाहीत 6.5 टक्के व्याज मिळेल, जे आतापर्यंत 6.2 टक्के होते.
व्याजदरांच्या पुनरावलोकनानंतर पोस्ट ऑफिसमधील (Post Office) एका वर्षाच्या एफडीवरील व्याज 0.1 टक्क्यांनी वाढून 6.9 टक्के होईल. त्याचवेळी, दोन वर्षांच्या एफडीवर आता 7.0 टक्के व्याज मिळेल, जे आतापर्यंत 6.9 टक्के होते.
तथापि, तीन वर्षांच्या आणि पाच वर्षांच्या मुदत ठेवींवरील व्याज अनुक्रमे 7.0 टक्के आणि 7.5 टक्के कायम ठेवण्यात आले आहे.
यासह, PPF खात्यातील ठेवींवरील व्याज 7.1 टक्के आणि बचत खात्यातील ठेवींवर 4.0 टक्के व्याज कायम ठेवण्यात आले आहे. यापैकी कोणतेच बदल करण्यात आलेले नाहीत.
राष्ट्रीय बचत प्रमाणपत्रावरील व्याज 1 जुलै ते 30 सप्टेंबर 2023 पर्यंत 7.7 टक्के राखून ठेवण्यात आले आहे.
मुलींसाठी असलेल्या बचत योजनेच्या सुकन्या समृद्धी योजनेचा व्याजदर देखील 8.0 टक्के वर अपरिवर्तित आहे. ज्येष्ठ नागरिक बचत योजना आणि किसान विकास पत्रावरील व्याज अनुक्रमे 8.2 टक्के आणि 7.5 टक्के असेल.
यापूर्वी, जानेवारी-मार्च तिमाहीत तसेच एप्रिल-जून तिमाहीतही लहान बचत योजनांवरील व्याज वाढले होते. लहान बचत योजनेवरील व्याज दर तिमाही आधारावर अधिसूचित केले जातात. मासिक उत्पन्न योजनेवरील व्याजात कोणताही बदल करण्यात आलेला नाही आणि पूर्वीप्रमाणेच 7.4 टक्के व्याज मिळत राहील.
महागाई नियंत्रणात आणण्यासाठी भारतीय रिझर्व्ह बँकेने गेल्या वर्षी मे महिन्यापासून पॉलिसी रेपो दरात 2.5 टक्क्यांनी वाढ करुन 6.5 टक्क्यांपर्यंत वाढ केली आहे. त्यामुळे ठेवींवरील व्याजदरही वाढले आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.