Currency Note Latest News: देशभरात नोटबंदीनंतर 500 आणि 1000 रुपयांच्या नोटांबाबत अनेक प्रकारच्या बातम्या समोर येत आहेत.

तुम्हीही त्यावेळी 500 आणि 1000 रुपयांच्या नोटा बदलल्या नसतील, तर आता तुमच्याकडे आणखी एक संधी आहे... RBI (Reserve Bank Of India)) कडून मोठी माहिती समोर येत आहे. तुमच्या घरी अजूनही जुन्या नोटा आहेत का? जर होय, तर जाणून घेऊया RBI ने काय सांगितले आहे.

दरम्यान, रिझर्व्ह बँक ऑफ इंडियाचे (RBI) एक पत्र सोशल मीडियावर मोठ्या प्रमाणात व्हायरल होत आहे. या पत्रात 500 आणि 1000 रुपयांच्या जुन्या नोटा बदलण्याबाबत आहे.

व्हायरल झालेल्या पत्रात असा दावा करण्यात आला आहे की, आरबीआयने (RBI) विदेशी नागरिकांना भारतीय नोटा बदलून देण्याची सुविधा आणखी वाढवली आहे.

सत्य काय आहे

प्रेस इन्फॉर्मेशन ब्युरो (PIB Fact Check) च्या फॅक्ट चेक टीमने या प्रकरणाची चौकशी केली आणि सत्य समोर आणले. पीआयबीने या व्हायरल पोस्टची सत्यता तपासली आहे. PIB फॅक्ट चेकने म्हटले आहे की, विदेशी नागरिकांना 500-1000 च्या जुन्या नोटा बदलून देण्याची सुविधा वाढवण्याचा दावा खोटा आहे.

तसेच, सोशल मीडियावर (Social Media) व्हायरल होत असलेल्या या दाव्याबद्दल ट्विट करत ते म्हणाले की, विदेशी नागरिकांना भारतीय नोटाबंदीच्या नोटा बदलून देण्याची सुविधा 2017 मध्ये संपली आहे. 500 आणि 1000 च्या नोटा बदलण्याबाबत असा कोणताही आदेश जारी करण्यात आलेला नाही.