RBI Governor Shaktikanta Das: भारतीय रिझर्व्ह बँकेचे गव्हर्नर शक्तीकांत दास यांनी गंभीर आव्हाने असूनही भारतीय अर्थव्यवस्था चांगल्या स्थितीत असल्याचे सांगितले आहे. आज BOB वार्षिक बँकिंग परिषदेला संबोधित करताना, RBI गव्हर्नर शक्तीकांत दास म्हणाले की, गंभीर जागतिक परिस्थितीमध्ये भारतीय अर्थव्यवस्था तुलनेने चांगल्या स्थितीत आहे.

आरबीआयचे गव्हर्नर शक्तिकांत दास म्हणाले की, 'भारतीय रुपया इतर देशांच्या चलनांच्या तुलनेत चांगल्या स्थितीत आहे . रुपयामध्ये तीव्र चढउतार आणि अस्थिरता येऊ दिली जाणार नाही. रिझर्व्ह बँक ऑफ इंडिया बाजारात यूएस डॉलरचा पुरवठा करत आहे त्यामुळे रोखीचा पुरेसा पुरवठा (तरलता) सुनिश्चित होतो. आरबीआयच्या पावलांमुळे रुपयाचा व्यवहार सुरळीत होण्यास मदत झाली आहे.' याशिवाय असुरक्षित परकीय चलनाच्या व्यवहारांबद्दल घाबरण्याऐवजी त्याकडे वस्तुस्थिती पाहण्याची गरज आहे, असा सल्लाही दास यांनी दिला आहे.

देशातील महागाईवर RBI गव्हर्नरची भूमिका

रेपो दराबाबत शक्तिकांत दास काय म्हणाले, आरबीआय गव्हर्नर यांनी रेपो रेटवरील प्रश्नाला उत्तर देताना सांगितले की, तरलता आणि दर वाढविण्याबाबत निर्णय घेताना आरबीआय नेहमीच विकासाचे लक्ष्य लक्षात ठेवते आणि त्यानुसार आरबीआयचे चलनविषयक धोरणाबोबत RBIची धोरण समिती आवश्यक ती पावलं उचलते.