Ration Card Holder Ayushman Card: तुमच्याकडेही राशन कार्ड असेल तर सरकारकडून मिळणारी सुविधा ऐकून तुम्हालाही आनंद होईल. शासन राशनकार्डधारकांना नवनवीन सुविधा देत असते. आता सरकारने अंत्योदय राशनकार्डधारकांच्या आरोग्याचा विचार करुन सर्व कुटुंबांसाठी आणखी एक सुविधा देण्याचा निर्णय घेतला आहे. सर्व अंत्योदय कार्डधारकांच्या मोफत उपचारासाठी आयुष्मान कार्ड बनवण्याचा निर्णय सरकारने घेतला आहे.

जिल्हा आणि तहसील स्तरावर विशेष मोहिमा

यासाठी शासनाकडून जिल्हा आणि तहसील स्तरावर विशेष मोहीमही राबविण्यात आली आहे. या अंतर्गत अंत्योदय कार्डधारक कुटुंबातील सर्व सदस्यांसाठी आयुष्मान कार्ड बनवण्याचे ध्येय आहे. जनसुविधा केंद्रांवरही सरकार ही सुविधा देत आहे. तुम्ही राशनकार्ड दाखवून जन सुविधा केंद्रात आयुष्मान कार्डसाठी अर्ज करु शकता. योगी आदित्यनाथ (Yogi Adityanath) सरकारने अंत्योदय कार्डधारकांचे आयुष्मान कार्ड बनवण्याचे आदेश दिले आहेत.

शक्य तितक्या लवकर प्रक्रिया पूर्ण करा

सरकारने (Government) आयुष्मान कार्ड बनवण्याची शेवटची तारीख वाढवली आहे. या मोहिमेअंतर्गत सर्व अंत्योदय कार्डधारकांची आयुष्मान कार्ड बनवली जाणार आहेत. ज्या अंत्योदय कार्डधारकांकडे आयुष्मान कार्ड उपलब्ध नाही, त्यांना सरकारकडून या सुविधेविषयी सांगण्यात येत आहे.

नवीन आयुष्मान कार्ड तयार होत नाहीत

पात्र लाभार्थी आयुष्मान कार्ड बनवल्यानंतर सार्वजनिक सेवा केंद्र, सामुदायिक आरोग्य केंद्र, आयुष्मान पॅनेलशी संलग्न खाजगी रुग्णालय किंवा जिल्हा रुग्णालयात अंत्योदय कार्ड दाखवून आयुष्मान कार्ड मिळवू शकतात. सध्या सरकारकडून नवीन आयुष्मान कार्ड बनवले जात नाहीत. मात्र, ज्या लाभार्थ्यांची नावे या योजनेत आहेत, त्यांचीच कार्डे बनवली जात आहेत.

तसेच, अंत्योदय कार्डधारकांना आरोग्याशी संबंधित कोणतीही समस्या उद्भवल्यास उपचारासाठी भटकावे लागणार नाही, अशी शासनाची योजना आहे. त्यासाठी शासनस्तरावरुन सूचनाही देण्यात आल्या आहेत. दारिद्र्यरेषेखालील (BPL) कुटुंबांना अंत्योदय राशनकार्ड दिली जाते. या कार्डद्वारे लाभार्थ्यांना दर महिन्याला परवडणाऱ्या किमतीत खाद्यपदार्थ मिळतात. कार्डधारकांना एकूण 35 किलो गहू आणि तांदूळ दिले जाते. यासाठी प्रतिकिलो गहू 2 रुपये आणि तांदूळ प्रति किलो 3 रुपये मोजावे लागणार आहेत.