राज्य-समर्थित तेल उत्पादक कंपन्यांनी (OMCs) आजपासून घरगुती एलपीजी स्वयंपाकाच्या गॅसच्या दरात प्रति सिलेंडर 50 रुपयांची वाढ केली. या दरवाढीनंतर दिल्लीत 14.2 किलोच्या विनाअनुदानित एलपीजी सिलिंडरची किंमत 949.50 रुपये एवढी असणार आहे. (The price of domestic LPG has been increased by Rs 50 per cylinder.)

गेल्या वर्षी 6 ऑक्टोबरनंतर एलपीजीच्या दरात झालेली ही पहिलीच वाढ. त्यावेळी दिल्लीत 14.2 किलो एलपीजी सिलिंडरची किंमत 899.50 रुपये एवढी होती. (LPG Price Hike News)

तेल विपणन कंपन्या 14.2 किलोचे सिलिंडर देशांतर्गत घरांना खुल्या बाजाराप्रमाणेच विकत असतात. सरकार एका वर्षात प्रत्येक कुटुंबाला अशा 12 सिलिंडरवर सबसिडी देते. हे अनुदान थेट लाभार्थ्यांच्या बँक खात्यात डिपॉजिट केले जातात.

ऑक्टोबरमध्ये एलपीजीच्या (LPG) किमतींमध्ये शेवटची सुधारणा करण्यात आली होती, तर उत्तर प्रदेश, पंजाब, उत्तराखंड, मणिपूर आणि गोवा येथील निवडणुकांपूर्वी 4 नोव्हेंबरपासून पेट्रोल आणि डिझेलच्या किमतींमध्ये कोणताही बदल करण्यात आलेला नाहीये.

सूत्रांनी वृत्तसंस्थेला सांगितले आहे की, 5 किलोच्या एलपीजी सिलेंडरची किंमत आता 349 रुपये असणार, तर 10 किलोच्या कंपोझिट बाटलीची किंमत 669 रुपये असणार आहे. 19 किलोच्या व्यावसायिक सिलेंडरची किंमत आता 2,003.50 रुपये एवढी असणार आहे.

एलपीजी सिलिंडरच्या किमती एलपीजीचा आंतरराष्ट्रीय बेंचमार्क दर आणि यूएस डॉलर आणि भारतीय रुपयाच्या विनिमय दरावर आधारित ठरवलेल्या असतात.