PM Kisan Nidhi: तुम्हीही पीएम किसान सन्मान निधीचे लाभार्थी असाल तर ही बातमी तुमच्यासाठी महत्त्वाची आहे. सरकारने शेतकऱ्यांसाठी नवीन सुविधा सुरु केली आहे.

केंद्रीय कृषी आणि शेतकरी कल्याण राज्यमंत्री कैलाश चौधरी यांनी पीएम किसान (PM Kisan) एआय-चॅटबॉट (किसान ई-मित्र) लॉन्च केले. त्यामुळे शेतकऱ्यांना मोठी मदत होणार आहे.

कृषी सचिव मनोज आहुजा आणि अतिरिक्त कृषी सचिव प्रमोद मेहरदा हे AI चॅटबॉटच्या लॉन्चिंगला उपस्थित होते.

वन स्टेप फाउंडेशनच्या मदतीने विकसित केले आहे

कार्यक्रमादरम्यान मेहरदा यांनी चॅटबॉटच्या फीचर्सची सविस्तर माहिती दिली. सोबतच याबाबत सविस्तर सादरीकरणही करण्यात आले.

कृषी मंत्रालयाने दिलेल्या निवेदनात म्हटले आहे की, एआय चॅटबॉट हे 'पीएम-किसान योजने'ची कार्यक्षमता आणि पोहोच वाढवण्याच्या दिशेने एक 'महत्त्वाचे' पाऊल आहे, तसेच शेतकऱ्यांना (Farmer) त्यांच्या प्रश्नांना 'जलद, स्पष्ट आणि अचूक' उत्तरे देते.

वन स्टेप फाउंडेशन आणि भाशिनी यांच्या मदतीने एआय चॅटबॉट विकसित करण्यात आला आहे.

दरम्यान, PM-Kisan Grievance Management System मध्ये AI चॅटबॉटची ओळख करुन देण्याचा उद्देश शेतकर्‍यांना सुलभ व्यासपीठासह सक्षम करणे आहे. पहिल्या टप्प्यात, एआय चॅटबॉट शेतकऱ्यांना त्यांच्या अर्जाचे स्टेटस, पेमेंट तपशील, अपात्रतेचे स्टेटस आणि इतर योजना संबंधित माहिती प्रदान करण्यात मदत करेल. पीएम-किसान मोबाईल ऍप्लिकेशनद्वारे इंटीग्रेटेड आहे.

विशेष म्हणजे, हे पीएम-किसानच्या लाभार्थ्यांसाठी अनेक भाषांमध्ये उपलब्ध आहे. प्रगत तंत्रज्ञानामुळे केवळ पारदर्शकता वाढणार नाही तर शेतकऱ्यांना माहितीपूर्ण निर्णय घेण्यास मदत होईल.

माहितीनुसार, चॅटबॉट सध्या इंग्रजी, हिंदी, बंगाली, ओरिया आणि तमिळ भाषांमध्ये उपलब्ध आहे. लवकरच ते देशातील सर्व 22 अधिकृत भाषांमध्ये उपलब्ध करुन दिले जाईल.