PIB Fact Check News: केंद्र सरकारकडून अनेक सरकारी योजना राबवल्या जात असून, त्याचा लाभ देशातील गरीब, शेतकरी आणि गरजू लोकांना मिळत आहे.

यासोबतच मोदी सरकारने महिला आणि मुलींसाठी अनेक विशेष योजना सुरु केल्या आहेत, ज्यामध्ये आर्थिक मदत आणि जीवनावश्यक वस्तू पुरवल्या जात आहेत.

सध्या सोशल मीडियावर मोदी सरकार मोफत शिलाई मशीन देत असल्याची बातमी व्हायरल होत आहे. मात्र, प्रत्यक्षात सरकार महिलांना ही सुविधा देत आहे की नाही याबद्दल जाणून घेणे महत्त्वाचे आहे.

असा दावा पोस्टमध्ये करण्यात येत आहे

देशातील महिलांचे (Women) सक्षमीकरण आणि त्यांना रोजगार देण्यासाठी सरकारकडून मोफत शिलाई मशीन देण्यात येत असल्याचा दावा एका पोस्टमध्ये करण्यात येत आहे. ही पोस्ट पाहिल्यानंतर पीआयबीने तथ्याची तपासणी केली. त्यात काय सत्य आहे ते जाणून घेऊया...

पीआयबीने वस्तुस्थिती तपासली-

>> केंद्र सरकार अशी कोणतीही योजना राबवत नाही.

>>हा फसवणूक करण्याचा प्रयत्न आहे, कृपया काळजी घ्या.

ही बातमी कोणाशीही शेअर करु नका

सध्या देशभरात सोशल मीडियावर (Social Media) अनेक खोट्या आणि व्हायरल बातम्या पाहायला मिळत आहेत. हे पाहता सरकारने असे मेसेज कुणालाही शेअर करु नयेत असे म्हटले आहे.

यासोबतच तुम्हाला सरकारशी संबंधित कोणत्याही योजनेची माहिती मिळवायची असेल तर तुम्ही केवळ अधिकृत वेबसाइटवर संपर्क साधावा.

कोणीही तथ्य तपासू शकतो

अशा फेक न्यूजपासून दूर राहा आणि या बातम्या कोणाशीही शेअर करु नका, असे केंद्र सरकारकडून सांगण्यात आले आहे. सध्या तरी अशा बातम्या फॉरवर्ड करु नका.

तुम्हालाही कोणत्याही व्हायरल मेसेजचे सत्य जाणून घ्यायचे असेल, तर तुम्ही या मोबाईल क्रमांक 918799711259 किंवा socialmedia@pib.gov.in वर मेल करु शकता.