देशातील प्रत्येकांसाठी ही बातमी अत्यंत महत्वाची आहे कारण देशात प्रत्येक नागरिकाजवळ थोडे फार तरी सोने(Gold) आहेच . त्याच सोन्यासाठी आता सरकार 1 जुलैपासून दागिन्यांच्या प्रत्येक तुकड्यांसाठी एक युनिक आयडेंटिफिकेशन (UID Code ) अनिवार्य करणार आहे.

म्हणजेच आता जर तुमचे दागिने चोरीला गेले किंवां कुठेतरी हरवले असतील तर ते शोधण्यासाठी या युनिक कोडचा(Unique code ) वापर करून तुम्ही ते शोधू शकणार आहात पण जर ते सोने वितळवले गेले केवळ त्याच वेळेस त्या सोन्याचा खरा मालक ओळखता येणार नाही. जसे देशातील सर्व नागरिकांना आधार कार्ड द्वारे ओळखले जाते त्याच प्रकारे आता जुलैपासून सरकार दागिन्यांच्या प्रत्येक तुकड्यांची युनिक आयडेंटिफिकेशन (यूआयडी) असणार आहे.

या यूआयडीमध्ये, विक्रेत्याचा कोड आणि दागिन्यांची ओळख नोंदविली जाणार असून बीआयएसने बनविलेल्या मोबाईल अ‍ॅपमध्ये पोलिस किंवा कोणतीही व्यक्ती या यूआयडीमध्ये प्रवेश करताच हे दागिने कधी आणि कोठून खरेदी केले गेले हे समजेल. या यूआयडीचे दागिने त्याने ज्या कोणाकडे विकले त्याविषयीही माहिती ज्वेलरकडे असणार आहे.

त्याचबरोबर आता दागिन्यांमध्ये एकूण चारपैकी केवळ तीनच हॉलमार्किंग असणार आहेत. त्याम्हणजे बीआयएस लोगो, शुद्धता आणि तिसरा संयुक्त सील असेल ज्यामध्ये ज्वेलर आणि ज्वेलरीचे वर्णन असणार आहे पण या अगोदर दागिन्यांमध्ये चार हॉलमार्किंग असायच्या ज्यामध्ये बीआयएस लोगो, शुद्धता, हॉल-मार्किंग सेंटर आणि ज्वेलर्सचा बार . आता या नवीन नियमांमुळे अशुद्ध आणि प्रमाणित दागिने विक्रीच्या व्यवसायालाही आळा बसणार आहे.

आता या नवीन नियमांनुसार देशातील 256 जिल्ह्यांमध्ये सोन्याचे दागिन्यांवर हॉलमार्किंग अनिवार्य करण्यात आले आहे. या जिल्ह्यात आतापासून केवळ हॉलमार्क केलेले दागिने विकले जाऊ शकतील.आता सध्या व्यापाऱ्यांना त्यांच्याकडे असलेल्या जुन्या स्टॉकची हॉलमार्किंग करण्यासाठी सरकारने 1 सप्टेंबरपर्यंत मुदत दिली असून या कालावधीत कोणत्याही व्यापाऱ्यां कोणतीही कारवाई केली जाणार नाही.मात्र दिलेल्या वेळेत या साऱ्या व्यापाऱ्यांनी जर हॉलमार्किंग नाही केले तर मात्र सरकार कारवाईचा बडगा उचलणार हे नक्की.