PM Matritva Vandana Yojana: मोदी सरकार प्रत्येक घटकाला डोळ्यासमोर ठेवून अनेक प्रकारच्या योजना राबवत आहे. असंघटित क्षेत्रातील कर्मचारी आणि शेतकरी यांच्याशिवाय सरकारने विवाहित महिलांसाठीही ही योजना जाहीर केली आहे.
केंद्र सरकारकडून देशातील महिलांसाठी अनेक योजना राबविण्यात येत आहेत. आज आम्ही तुम्हाला अशा एका योजनेबद्दल सांगणार आहोत, ज्यामध्ये महिलांना सरकारकडून 6000 रुपये मिळतात. याचा लाभ केवळ विवाहित महिलांनाच मिळतो.
दरम्यान, मातृत्व वंदना योजना असे या सरकारी योजनेचे नाव आहे. यामध्ये गरोदर महिलेला (Woman) शासनाकडून आर्थिक मदत दिली जाते. महिला आणि तिच्या न जन्मलेल्या बाळाचे आरोग्य लक्षात घेऊन ही मदत दिली जाते.
देशभरात जन्माला येणारी बालके कुपोषित राहू नयेत, त्यांना कोणत्याही प्रकारचे आजार होऊ नयेत, हे लक्षात घेऊन मोदी सरकारने ही योजना सुरु केली आहे.
- गर्भवती महिलेचे वय किमान 19 वर्षे असावे.
-या योजनेत तुम्हाला फक्त ऑफलाइन अर्ज करावा लागेल.
- सरकार महिलांच्या खात्यात 3 हप्त्यांमध्ये 6000 रुपये ट्रान्सफर करते.
-ही योजना 1 जानेवारी 2017 रोजी सुरु झाली.
या योजनेत पहिल्या टप्प्यात महिलांना 1000 रुपये, दुसऱ्या टप्प्यात 2000 रुपये आणि गर्भवती महिलांना तिसऱ्या टप्प्यात 2000 रुपये दिले जातात. शेवटचे उरलेले 1000 रुपये सरकार (Government) बाळाच्या जन्माच्या वेळी हॉस्पिटलला देते.
केंद्र सरकारकडून मिळणारी रक्कम थेट गर्भवती महिलांच्या खात्यात जमा केली जाईल. जर तुम्हाला त्याच्या अर्जामध्ये कोणत्याही प्रकारची समस्या येत असेल तर तुम्ही हेल्पलाइन क्रमांक 7998799804 वर संपर्क साधू शकता.
तुम्ही अधिकृत वेबसाइट https://wcd.nic.in/schemes/pradhan-mantri-matru-vandana-yojana वर देखील संपर्क साधू शकता. येथे तुम्हाला या योजनेची सर्व माहिती मिळेल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.