FM Nirmala Sitharaman  Dainik DainikGomantak
अर्थविश्व

Indian Economy: ''भारत जगातील तिसरी सर्वात मोठी अर्थव्यवस्था होईल...''; अर्थमंत्री निर्मला सीतारामन यांचं मोठं वक्तव्य

Indian Economy: भारत 2027-28 पर्यंत पाच ट्रिलियन डॉलर्सपेक्षा जास्त जीडीपीसह जगातील तिसरी सर्वात मोठी अर्थव्यवस्था बनेल.

Manish Jadhav

Indian Economy: भारत 2027-28 पर्यंत पाच ट्रिलियन डॉलर्सपेक्षा जास्त जीडीपीसह जगातील तिसरी सर्वात मोठी अर्थव्यवस्था बनेल. केंद्रीय अर्थमंत्री निर्मला सीतारामन यांनी ही माहिती दिली आहे. अर्थमंत्र्यांनी सांगितले की, सध्या 50 कोटींहून अधिक भारतीयांची बँक खाती आहेत, तर 2014 मध्ये ही संख्या 15 कोटी होती. गेल्या 8-9 वर्षात देशात $595 अब्ज डॉलरची थेट परकीय गुंतवणूक (FDI) आल्याचे अर्थमंत्र्यांनी सांगितले.

अर्थमंत्री निर्मला सीतारामन यांनी सांगितले की, 2047 पर्यंत भारताची अर्थव्यवस्था 30 ट्रिलियन डॉलर्स होईल. व्हायब्रंट गुजरात ग्लोबल समिटला संबोधित करताना, सीतारामन म्हणाल्या की, “हे शक्य आहे की आपण आर्थिक वर्ष 2027-28 पर्यंत तिसरी सर्वात मोठी अर्थव्यवस्था असू. तोपर्यंत देशाचा जीडीपी पाच ट्रिलियन डॉलर्स पेक्षा जास्त असेल.''

सध्‍या, 3.4 ट्रिलियन डॉलर्ससह भारत जगातील पाचवी सर्वात मोठी अर्थव्यवस्था आहे. अमेरिका, चीन, जपान आणि जर्मनी त्यात पुढे आहेत. चालू आर्थिक वर्षात भारतीय अर्थव्यवस्था 7.3 टक्के दराने वाढण्याचा अंदाज आहे, तर गेल्या आर्थिक वर्षात तिचा विकास दर 7.2 टक्के होता.

गेल्या आठ-नऊ वर्षांत 595 अब्ज डॉलर्सची परकीय गुंतवणूक आली

व्हायब्रंट गुजरात समिट 2024 दरम्यान बोलताना सीतारामन म्हणाल्या की, 2023 पर्यंत 23 वर्षांत भारतात $919 अब्ज डॉलरची थेट विदेशी गुंतवणूक (FDI) आली आहे. मोदी सरकारच्या गेल्या आठ-नऊ वर्षांच्या कार्यकाळात या एफडीआयपैकी 65 टक्के (595 अब्ज डॉलर्स) एफडीआय आला असल्याचे अर्थमंत्र्यांनी सांगितले. आर्थिक समावेशाचा उल्लेख करताना सीतारामन म्हणाल्या की, बँक खाती असलेल्या लोकांची संख्या 50 कोटी झाली आहे, तर 2014 मध्ये केवळ 15 कोटी लोकांकडे बँक खाती होती.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Coldrif Cough Syrup Bans: मुलांचा बळी घेणाऱ्या 'त्या' जीवघेण्या कफ सिरपवर गोव्यात बंदी, 'FDA'कडून आदेश जारी

IND vs PAK मॅचमधील 'या' घटनेनंतर पाकिस्तानी खेळाडू अडचणीत, ICC च्या नियमांचं उल्लंघन करणं पडलं भारी; काय घडलं नेमकं?

Farmagudi Accident: फार्मागुडी येथे कार आणि दुचाकीचा अपघात, महिला जखमी

Horoscope: आठवडा विशेष: चंद्र राशीनुसार 'प्रेमसंबंध, आरोग्य आणि आर्थिक' स्थिती कशी राहील? सर्व 12 राशींचं भविष्य वाचा

Omkar Elephant: ओंकार हत्ती 'शांत'च! उपवनसंरक्षकांकडून 'अग्रेसिव्ह' चर्चांना पूर्णविराम, रेस्क्यूसाठी चार ठिकाणं निवडली

SCROLL FOR NEXT