प्रत्येक नोकरदार व्यक्तीसाठी पीएफ हा मोठा आधार असतो, त्यामुळे तुमचा पीएफ शिल्लक किती आहे हे तुम्ही वेळोवेळी तपासत राहणे गरजेचे आहे. तुम्हाला तुमच्या पीएफ खात्याची (PF Account) शिल्लक तपासायची असल्यास, खाली दिलेल्या स्टेप फॉलो करून तुम्ही तुमची शिल्लक राशी सहज तपासू शकता. (How to check PF balance)

मिस्ड कॉलवरून त्वरित माहिती मिळवा

PF खात्याशी लिंक केलेल्या रजिस्टर नंबरवरून 011-22901406 वर मिस्ड कॉल करा. यानंतर लवकरच, तुम्हाला तुमच्या नोंदणीकृत नंबरवर एक संदेश येईल, ज्यामध्ये पीएफ शिल्लक माहितीचा तपशील उपलब्ध असेल.

एसएमएसद्वारे मिळणार माहिती

ईपीएफओकडे (EPFO) नोंदणीकृत मोबाइल क्रमांकावरून 7738299899 वर EPFO ​​UAN LAN पाठवा. LAN म्हणजे तुमची भाषा. इंग्रजीत माहिती हवी असल्यास LAN ऐवजी ENG लिहावे लागेल. त्याचप्रमाणे हिंदीसाठी HIN आणि मराठीमध्ये माहिती हवी असल्यास MRA लिहायचे आहे. हिंदीत माहिती मिळवण्यासाठी EPFOHO UAN HIN लिहून संदेश पाठवावा लागेल.

उमंग अॅपद्वारे तुम्ही माहिती तपासू शकता

उमंग अॅपद्वारे तुम्ही तुमची पीएफ शिल्लक तपासू शकता. यासाठी उमंग अॅपमधील EPFO ​​वर क्लिक करा. यामध्ये Employee Centric Services वर क्लिक करा. त्यानंतर View Passbook वर क्लिक करा आणि UAN आणि पासवर्ड टाका. नोंदणीकृत मोबाईल क्रमांकावर OTP येईल. ते टाकल्यानंतर तुम्ही ईपीएफ शिल्लक तपासू शकता.

अधिकृत वेबसाइटवर लॉग इन करा

तुमची PF शिल्लक ऑनलाइन तपासण्यासाठी, EPF पासबुक पोर्टलला भेट द्या. तुमचा UAN आणि पासवर्ड वापरून या पोर्टलवर लॉग इन करा. यामध्ये, Download/View Passbook वर क्लिक करा आणि त्यानंतर तुमच्यासमोर पासबुक ओपन होइल ज्यामध्ये तुम्ही तुमचा शिल्लक पीएफ पाहू शकता.