HDFC Bank Latest News: खासगी क्षेत्रातील HDFC बँकेने दिवाळीनंतर ग्राहकांना मोठी भेट दिली आहे. बँकेने मुदत ठेवींच्या व्याजदरात पुन्हा एकदा वाढ केली आहे. यापुढे बँकेच्या ग्राहकांना दुहेरी लाभ मिळणार आहे. याआधीही याच महिन्यात बँकेने व्याजदरात वाढ केली होती. आतापासून तुम्हाला FD वर किती व्याज मिळणार ते लगेच जाणून घ्या...

नवीन दर लागू

एचडीएफसी बँकेकडून (HDFC Bank) मिळालेल्या माहितीनुसार, बँकेचे नवीन दर 26 ऑक्टोबरपासून लागू झाले आहेत. ज्यांची 2 कोटी रुपयांपेक्षा कमीची एफडी आहे, त्यांनाच या वाढीव व्याजदरांचा लाभ मिळेल. या वेळी बँकेने व्याजदरात (Interest Rate) 50 बेसिस पॉइंट्सने वाढ केली आहे.

7 दिवसांपासून ते 10 वर्षांपर्यंत FD करता येते

बँकेने सांगितले की, या वाढीनंतर, ग्राहकांना 7 दिवसांपासून ते 10 वर्षांपर्यंतच्या एफडीवर 3 टक्के ते 6.25 टक्के लाभ मिळेल. बँक ग्राहकांना (Customers) 7 दिवसांपासून ते 10 वर्षांपर्यंत मुदत ठेव सुविधा प्रदान करते.

HDFC बँक FD नवीन दर -

>> 7 ते 14 दिवस - 3%

>> 15 ते 29 दिवस - 3%

>> 30 ते 45 दिवस – 3.50 टक्के

>> 46 ते 60 दिवस – 4%

>> 61 ते 89 दिवस – 4.50 टक्के

>> 90 दिवस ते 6 महिने – 4.50 टक्के

>> 6 महिने 1 दिवस ते 9 महिने – 5.25 टक्के

>> 9 महिने 1 दिवस ते 1 वर्षापेक्षा कमी – 5.50 टक्के

>> 1 वर्ष ते 15 महिने – 6.10 टक्के

>> 15 महिने ते 18 महिने – 6.15 टक्के

>> 18 महिने ते 21 महिने – 6.15 टक्के

>> 21 महिने ते 2 वर्षे – 6.15 टक्के

>> 2 वर्षे 1 दिवस - 3 वर्षे - 6.25 टक्के

>> ३ वर्षे 1 दिवस ते 5 वर्षे – 6.25 टक्के

>> 5 वर्षे 1 दिवस ते 10 वर्षे – 6.20 टक्के

ज्येष्ठ नागरिकांना अधिक व्याज मिळते

जर ज्येष्ठ नागरिकांबद्दल बोलायचे झाल्यास, तर या ग्राहकांना सामान्य नागरिकांपेक्षा 50 बेसिस पॉइंट अधिक व्याजाचा लाभ मिळतो. आजच्या वाढीनंतर, ज्येष्ठ नागरिकांना 7 दिवस ते 10 वर्षे मुदतीच्या FD वर 3.5 टक्के ते 6.95 टक्के व्याजदर मिळेल.