Aadhaar Enabled Biometric Attendance System Dainik Gomantak
अर्थविश्व

7th Pay Commission: DA हाइकच्यापूर्वी केंद्रीय कर्मचाऱ्यांना झटका; अटेंडन्सबाबत सरकारने घेतला मोठा निर्णय

Aadhaar Enabled Biometric Attendance System: तुम्हीही केंद्रीय कर्मचारी असाल तर ही बातमी तुमच्यासाठी आहे.

Manish Jadhav

Aadhaar Enabled Biometric Attendance System: तुम्हीही केंद्रीय कर्मचारी असाल तर ही बातमी तुमच्यासाठी आहे. होय, लाखो केंद्रीय कर्मचाऱ्यांसाठी महागाई भत्त्याची घोषणा होण्यापूर्वी एक मोठी अपडेट आली आहे. मार्चमध्ये वाढ झाल्यानंतर केंद्रीय कर्मचाऱ्यांचा डीए 50 टक्के झाला आहे. आता डीएबाबतचा निर्णय सर्वसाधारण अर्थसंकल्प सादर झाल्यानंतर सरकार घेणार आहे. मात्र याआधी केंद्रीय कर्मचाऱ्यांसाठी (Employees) एक मोठी अपडेट आली आहे. कर्मचारी कार्यालयात उशिरा पोहोचल्यास त्यांच्यावर कडक कारवाईचा इशारा सरकारने दिला आहे. जे कर्मचारी वारंवार कार्यालयात उशिरा येतात किंवा लवकर निघतात, त्यांच्यावर कडक कारवाई करण्यात येईल, असे सांगण्यात आले आहे.

लाइव्ह लोकेशन डिटेक्शन आणि जिओ टॅगिंग सुविधा

आधार इनेबल्ड बायोमेट्रिक अटेंडन्स सिस्टम (AEBAS) मध्ये कर्मचारी त्यांची उपस्थिती चिन्हांकित करत नसल्याचे सरकारच्या निदर्शनास आले. एवढेच नाही तर काही कर्मचारी दररोज उशिराने कार्यालयात पोहोचत होते. याची माहिती मिळाल्यानंतर सरकारने हे पाऊल उचलले आहे. या आदेशात, कार्मिक मंत्रालयाने मोबाइल फोन आधारित फेस ऑथेंटिकेशन सिस्टम वापरण्याची सूचना केली, जी उपस्थिती रेकॉर्ड करण्याव्यतिरिक्त, 'लाइव्ह लोकेशन डिटेक्शन आणि जिओ-टॅगिंग' सारख्या सुविधा देखील प्रदान करते. आदेशानुसार, AEBAS च्या काटेकोर अंमलबजावणीचा नुकताच आढावा घेण्यात आला.

कर्मचाऱ्यांवर कडक कारवाई करावी

कार्यालयात वारंवार उशिरा येण्याची आणि लवकर निघण्याची सवय गांभीर्याने घेऊन ती बंद करावी, असे आदेशात म्हटले होते. असे करणाऱ्या कर्मचाऱ्यावर कडक कारवाई करावी. यासह, सर्व सरकारी विभागांना कर्मचाऱ्यांनी कोणतीही चूक न करता केवळ आधार इनेबल्ड बायोमेट्रिक अटेंडन्स सिस्टम (AEBAS) वापरुन त्यांची उपस्थिती नोंदवण्याची खात्री करण्यास सांगितले होते.

उशिरा येणाऱ्या कर्मचाऱ्यांची ओळख पटवली जाईल

असे केल्याने AEBAS वर 'नोंदणी केलेले' कर्मचारी आणि 'प्रत्यक्षात कार्यरत' कर्मचारी यांच्यात कोणताही फरक राहणार नाही, असेही आदेशात नमूद करण्यात आले आहे. तसेच, सर्व विभाग प्रमुखांना (HODs) त्यांच्या कर्मचाऱ्यांना कार्यालयाच्या वेळा, उशीरा येणे इत्यादी नियमांबाबत जागरुक करण्याच्या सूचना देण्यात आल्या होत्या. विभागप्रमुख नियमितपणे सरकारी वेबसाइट www.attendance.gov.in वरुन त्यांचे अटेंडन्स रिपोर्ट डाउनलोड करतील आणि वारंवार कार्यालयात उशिरा येणाऱ्या किंवा लवकर निघून जाणाऱ्या अशा कर्मचाऱ्यांची ओळख पटवून देतील, असेही आदेशात नमूद करण्यात आले आहे.

सरकारी नियमानुसार एक दिवसाची अटेंडन्स उशिरा आल्यास अर्ध्या दिवसाची कॅज्युअल लीव कट केली जाईल. जर तुम्ही महिन्यातून दोनदा उशीरा आलात आणि वैध कारणास्तव, तर जास्तीत जास्त एक तासाचा विलंब माफ केला जाऊ शकतो. हा निर्णय कार्यालयातील वरिष्ठ अधिकारी घेऊ शकतात. सीएल कापण्याबरोबरच कार्यालयात वारंवार उशिरा येणाऱ्या सरकारी कर्मचाऱ्यांवरही शिस्तभंगाची कारवाई होऊ शकते. नियमानुसार वारंवार उशिरा येणे हे गैरव्यवहार नियमांतर्गत येत असल्याने असे केले जाईल.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Mahadevi Elephant: जनतेनं संघर्ष टाळावा, आमच्यासोबत उभं राहावं; वनतारानं स्पष्ट केली भूमिका; नेमकं काय केलंय आवाहन?

Friendship Day 2025: फ्रेंडशिप डे स्पेशल! तुमच्या जिगरी मित्राला पाठवा 'हे' खास संदेश

IND vs ENG: फलंदाजीतही 'दीप' चमकला! आकाश दीप विराट-सचिनच्या खास क्लबमध्ये सामील; अशी कामगिरी ठरला चौथा भारतीय खेळाडू

शेवटच्या श्वासापर्यंत देशसेवा करणाऱ्या पर्रीकरांबाबतही ते खोटे बोलले होते; अरुण जेटलींनी धमकी दिल्याचा राहुल गांधींचा दावा हास्यास्पद - प्रमोद सावंत

Handwriting Competition: 'गोमंतक'तर्फे 40 दिवसांची राज्यस्तरीय हस्तलेखन स्पर्धा; आकर्षक बक्षिसे जिंकण्याची सुवर्णसंधी

SCROLL FOR NEXT