Fitch Ratings On Adani Group: अदानी समूहाच्या शेअर्समध्ये प्रचंड चढ-उतार होत असताना, समूहासाठी एक दिलासादायक बातमी आली आहे.

होय, अदानी समूहावर फसवणूक केल्याचा आरोप करणाऱ्या 'शॉर्ट सेलर'च्या अहवालानंतर, समूह कंपन्यांच्या रेटिंगवर आणि त्यांच्या सुरक्षेवर सध्यातरी कोणताही परिणाम होणार नाही, असे फिच रेटिंग्जच्या वतीने शुक्रवारी सांगण्यात आले आहे.

अमेरिकन कंपनी हिंडेनबर्ग रिसर्चने उद्योगपती गौतम अदानी यांच्या नेतृत्वाखालील समूहावर 'ओपन स्टॉक मॅनिपुलेशन आणि अकाउंटिंग फ्रॉड'मध्ये गुंतल्याचा आरोप केला आहे.

कंपन्यांच्या शेअर्समध्ये सातत्याने घसरण

कंपनीने केलेल्या या आरोपांनंतर समूह कंपन्यांचे शेअर्स सातत्याने घसरत आहेत. रेटिंग एजन्सीने दिलेल्या निवेदनात म्हटले आहे की, अदानी समूहाच्या अंदाजित रोखीच्या प्रवाहात कोणताही मोठा बदल होणार नाही, अशी अपेक्षा आहे. फिच रेटिंग्सच्या विधानानंतर अदानी समूहाच्या शेअर्सची (Shares) घसरण थोडी थांबू शकते.

NSE चा अदानी ग्रुपवर मोठा निर्णय

याआधी, शुक्रवारी NSE ने अदानी ग्रुपवर मोठा निर्णय घेतला. शेअर्समधील प्रचंड चढउतार थांबवण्यासाठी NSE ने हा निर्णय घेतला.

NSE ने अदानी पोर्टच्या F&O स्टॉक खरेदीवर बंदी घातली आहे. अदानी पोर्ट आणि एंटरप्रायजेस सर्विलान्सवर आहे. अदानी समूहाच्या (Adani Group) तीन कंपन्यांवर लक्ष ठेवण्यात येत आहे.

दुसरीकडे, न्यूयॉर्क स्टॉक एक्स्चेंजनेही अदानी एंटरप्रायझेस डीलिस्ट करण्याचा निर्णय घेतला. अमेरिकन शेअर बाजाराने जारी केलेल्या नोटनुसार अदानी एंटरप्रायझेसला डाऊ जोन्स सस्टेनेबिलिटी इंडेक्समधून काढून टाकले जाईल.

अदानी एंटरप्रायझेसबाबत ही कारवाई स्टॉक मॅनिपुलेशन आणि अकाउंटिंग फ्रॉडच्या आरोपांचे विश्लेषण केल्यानंतर करण्यात आली आहे.