Gold Price Today, 20 March 2023: सोने खरेदी करणाऱ्यांसाठी एक मोठी बातमी आहे. तुमचाही सोने खरेदी करण्याचा विचार असेल तर आज सोन्याने नवा रेकॉर्ड केला आहे.
सध्या जगभरातील बँकिंग व्यवस्थेची बिकट अवस्था आणि शेअर बाजारातील घसरणीच्या काळात सोने सातत्याने नवनवीन उच्चांक गाठत आहे.
मल्टी कमोडिटी एक्सचेंजमध्ये आज सोन्याने 60,000 चा टप्पा ओलांडला आहे. सोन्याच्या दरात आज मोठी झेप पाहायला मिळत आहे. यासोबतच चांदीही प्रतिकिलो 70,000 रुपयांच्या जवळ पोहोचले आहे.
मल्टी कमोडिटी एक्सचेंजमध्ये सोन्याचा भाव 1.73 टक्क्यांच्या वाढीसह 60413 रुपये प्रति 10 ग्रॅमच्या पातळीवर व्यवहार करत आहे. यासोबतच भारतीय सराफा बाजारात सोन्याचा भाव 58220 रुपये प्रति 10 ग्रॅम या पातळीवर बंद झाला.
याशिवाय, आज चांदीचा भावही तेजीत आहे. आज चांदीचा (Silver) भाव 1.24 टक्क्यांच्या वाढीसह 69353 रुपये प्रति किलोच्या पातळीवर व्यवहार करत आहे.
जागतिक बाजारपेठेबद्दल बोलायचे झाल्यास, सोन्या-चांदीच्या दरातही मोठी उसळी पाहायला मिळत आहे. कोमॅक्सवर सोने 1990 डॉलर प्रति औंस आणि चांदी 22.58 डॉलर प्रति औंसवर व्यवहार करत आहे.
तुम्हीही बाजारात सोने (Gold) खरेदी करणार असाल तर हॉलमार्क पाहूनच सोने खरेदी करा. सोन्याची शुद्धता तपासण्यासाठी तुम्ही सरकारी अ‍ॅप देखील वापरु शकता. 'बीआयएस केअर अ‍ॅप'द्वारे तुम्ही सोन्याची शुद्धता खरी आहे की, नकली हे तपासू शकता. याशिवाय तुम्ही या अॅपद्वारे तक्रारही करु शकता.
तुम्ही तुमच्या घरी बसूनही सोन्याची किंमत तपासू शकता. इंडियन बुलियन अँड ज्वेलर्स असोसिएशनच्या मते, तुम्ही 8955664433 वर मिस्ड कॉल देऊन किंमत तपासू शकता. तुम्ही ज्या नंबरवरून मेसेज कराल त्याच नंबरवर तुमचा मेसेज येईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.