Gold Jewellery Bill Of 1959: सोन्याच्या दरात सातत्याने वाढ होत आहे. नवीन वर्षात सोन्याचा दर पुन्हा एकदा विक्रमी पातळीवर पोहोचला आहे. ऑगस्ट 2020 मध्ये सोन्याने 56,200 रुपयांचा विक्रम केला. मंगळवारी बंद झालेल्या ट्रेडिंग सत्रात सोन्याचा भाव 55,581 रुपये प्रति 10 ग्रॅमवर गेला. सोन्याचा दर येत्या काळात 62000 रुपयांपर्यंत जाण्याची शक्यता आहे. एवढेच नाही तर चांदीची किंमत 80,000 रुपये प्रति किलोच्या पातळीवर जाऊ शकते. पण तुम्ही कधी विचार केला आहे का की, स्वातंत्र्याच्या वेळी किंवा नंतर सोन्याची किंमत काय होती? चला तर मग जाणून घेऊया सविस्तर...
गेल्या काही दिवसांपासून रेस्टॉरंटचे (Restaurant) बिल, बुलेट मोटरसायकलचे बिल आणि वीज बिल सोशल मीडियावर व्हायरल होत आहे. यानंतर आता सोन्याच्या दागिन्यांचे 1959 चे बिल व्हायरल होत आहे. हे 63 वर्ष जुने बिल पाहता, खरेदीदाराने सोने आणि चांदीचे दागिने खरेदी केल्याचे समजते. सहा दशकांहून अधिक जुने हे बिल पाहण्यासाठी आणि त्यात लिहिलेले सोन्या-चांदीचे दर पाहण्यासाठी वापरकर्ते खूप उत्सुक आहेत.
स्वातंत्र्याच्या वेळी 1950 मध्ये सोन्याचा दर 99 रुपये प्रति 10 ग्रॅम होता. त्याचे नऊ वर्षांचे बिल बघितले असता, त्यावेळी सोने 113 रुपये प्रति 10 ग्रॅमच्या पातळीवर होते हे कळते. मात्र, मीडिया रिपोर्ट्समध्ये एका वर्षानंतर सोन्याचा दर 112 रुपये प्रति 10 ग्रॅम असल्याचे म्हटले आहे. 1970 मध्ये हा दर वाढून 184.50 रुपये प्रति 10 ग्रॅम झाला.
व्हायरल होत असलेल्या 1959 च्या या बिलात 621 आणि 251 रुपयांच्या सोन्याच्या वस्तूंचा उल्लेख करण्यात आला आहे. याशिवाय 12 रुपयांची चांदी आणि 9 रुपयांच्या इतर वस्तू आहेत. एकूण बिल 909 रुपये आहे. सोशल मीडियावर (Social Media) व्हायरल होत असलेल्या या बिलाची स्थितीही अतिशय वाईट दिसत आहे.
1950-99 रुपये प्रति 10 ग्रॅम
1960-112 रुपये प्रति 10 ग्रॅम
1970-184.5 रुपये प्रति 10 ग्रॅम
1980-1330 रुपये प्रति 10 ग्रॅम
1990-3200 रुपये प्रति 10 ग्रॅम
2000-4400 रुपये प्रति 10 ग्रॅम
2010-18, 500 रुपये प्रति 10 ग्रॅम
2020-56,200 रुपये प्रति 10 ग्रॅम
2022-55000 रुपये प्रति 10 ग्रॅम
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
