Gold Silver Price Drop Dainik Gomantak
अर्थविश्व

Gold Silver Price Drop: ग्राहकांसाठी खूशखबर! सोने-चांदीच्या दरात मोठी घसरण, भाव थेट गेल्या एका वर्षातील नीचांकी पातळीवर

Gold And Silver Price Crash Mcx Market: सोने-चांदी खरेदी करण्याची वाट पाहणाऱ्या ग्राहकांसाठी एक अत्यंत दिलासादायक बातमी समोर आली.

Manish Jadhav

Gold And Silver Price Crash Mcx Market: सोने-चांदी खरेदी करण्याची वाट पाहणाऱ्या ग्राहकांसाठी एक अत्यंत दिलासादायक बातमी समोर आली. कमोडिटी मार्केटमध्ये शुक्रवारी रात्री सोने-चांदीच्या किमती थेट गेल्या 12 महिन्यांतील म्हणजेच एका वर्षाच्या सर्वात नीचांकी पातळीवर पोहोचल्या. मल्टी कमोडिटी एक्सचेंजवर एकाच झटक्यात चांदी तब्बल 10 हजार रुपयांपेक्षा अधिक प्रति किलोने स्वस्त झाली, तर सोन्याच्या दरातही प्रति 10 ग्रॅममागे 4 हजार रुपयांपेक्षा जास्त मोठी घसरण नोंदवल गेली.

शुक्रवारी रात्री जवळपास 8 वाजता बाजाराचे चित्र अचानक पालटले आणि बाजारात विक्रीचा मोठा दबाव दिसून आला. एमसीएक्सवर डिसेंबर फ्युचरची चांदी सुमारे 5 टक्क्यांनी घसरुन थेट 1,78,900 ते 1,79,000 रुपये प्रति किलोच्या दरम्यान आली. तसेच, सोन्याचा भाव 3 टक्क्यांनी घसरुण 1,38,250 ते 1,38,400 रुपये प्रति 10 ग्रॅम पातळीवर आला.

सध्याच्या सराफा बाजारानुसार, 24 कॅरेट शुद्ध सोन्याचा (Gold) भाव 1,40,000 रुपये प्रति 10 ग्रॅम आहे, तर दागिन्यांसाठी वापरले जाणारे 22 कॅरेट सोने 1,28,000 रुपयांवर आले. याशिवाय, 18 कॅरेट सोने 1,05,000 रुपये आणि 999 शुद्धतेची चांदी 1,81,344 रुपये प्रति किलो ग्रॅमवर ट्रेड करत आहे.

किमतीत झालेल्या या अचानक मोठ्या घसरणीमागे प्रामुख्याने तीन महत्त्वाची कारणे आहेत. तज्ज्ञांच्या मते, सोन्या-चांदीचे भाव उच्च पातळीवर असताना गुंतवणूकदारांनी मोठ्या प्रमाणावर प्रॉफिट बुकिंग केली. तसेच, अमेरिकेकडून जाहीर झालेले आर्थिक आकडे अपेक्षेपेक्षा अधिक मजबूत आल्यामुळे अमेरिकन डॉलर आणि यूएस ट्रेजरी यील्डमध्ये मोठी मजबूती पाहायला मिळाली.

याशिवाय, अमेरिकन फेडरल रिजर्व्ह अधिकाऱ्यांनी व्याजदरांबाबत कठोर भूमिका कायम ठेवण्याचे संकेत दिले. व्याजदर उच्च राहण्याच्या शक्यतेमुळे गुंतवणूकदारांनी सोने-चांदीमधून आपले पैसे काढून अधिक चांगला परतावा देणाऱ्या इतर सुरक्षित पर्यायांकडे वळवण्यास सुरुवात केली, ज्यामुळे ही घसरण झाली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sandpapergate Scandal: 'उस्मान ख्वाजा सर्वात मोठा गद्दार', सँडपेपरगेट प्रकरणावरुन डिव्हिलियर्सचा संताप; क्रिकेटची बदनामी केल्याचा आरोप

Goa Spice Cultivation: जायफळ, वेलची, काळी मिरीला बाजारात मागणी; गोव्यात मसाला पिकांकडे शेतकऱ्यांचा वाढता कल

Accident News: दोन महिन्यांपूर्वी घेतली कार, 100च्या स्पीडमध्ये 20 फूट हवेत उडून झाडावर आदळली… भीषण अपघातात 7 तरुणांचा मृत्यू

Mohammed Siraj Selection: मोहम्मद सिराजला प्लेइंग-11 मधून वगळण्यावरुन राजकीय वादंग! काँग्रेस नेत्याने तोडले तारे; म्हणाले, 'नावामुळे भेदभाव...' VIDEO

Under 16 Cricket: गोव्याचा पहिला डाव 97 धावांत आटोपला; कर्नाटकने पहिल्याच दिवशी 127 धावांची आघाडी घेत वर्चस्व गाजवले

SCROLL FOR NEXT