Penna Cement Deal: सिमेंट उद्योगात अदानी समूहाचा दबदबा सातत्याने वाढत आहे. आता अदानी समूहाची सिमेंट कंपनी अंबुजा सिमेंटने पेन्ना सिमेंट इंडस्ट्रीजसोबत करार केला आहे. हा करार 10,442 कोटीत झाला आहे. या करारामुळे अंबुजा सिमेंट दक्षिण भारतात आपला व्यवसाय वाढवण्याचा विचार करत आहे. सप्टेंबर 2022 मध्ये अदानी समूहाने अंबुजा सिमेंट खरेदी केल्यानंतर कंपनीचा हा चौथा मोठा बिझनेस करार आहे. हैदराबादस्थित पेन्ना सिमेंटचे प्रमोटर पी प्रताप रेड्डी आणि त्यांचे कुटुंब आहेत. या ग्रुपचे वार्षिक सिमेंट उत्पादन 14 दशलक्ष टन आहे, त्यापैकी 4 दशलक्ष टन सिमेंट तयार करण्याचा कारखाना सध्या तयार आहे.
अंबुजा सिमेंटच्या वतीने, पेन्ना कंपनी विकत घेण्यासाठी स्वतःची बचत केलेली रक्कम वापरेल. त्यामुळे दक्षिण भारतातील अंबुजा सिमेंटचा वाटा 8 टक्क्यांनी वाढणार आहे. मार्केट लीडर अल्ट्राटेक सिमेंटने केसोराम इंडस्ट्रीजचे कारखाने काही महिन्यांपूर्वी विकत घेतल्यानंतर हा करार झाला आहे. अंबुजा सिमेंटकडे एप्रिल अखेरीस 24,338 कोटी एवढी रक्कम होती. यामध्ये अदानी समूहाच्या 8,339 कोटी रुपयांच्या वॉरंट रकमेचाही समावेश आहे.
टाईम्स ऑफ इंडियामध्ये प्रसिद्ध झालेल्या बातमीनुसार, पेन्ना सिमेंटसोबत झालेल्या करारानंतर अंबुजा सिमेंटला उत्पादन क्षमता वाढवण्यासाठी मदत मिळणार आहे. सध्या ACC आणि सांगी इंडस्ट्रीज देखील अंबुजाचा भाग आहेत. 2028 पर्यंत 140 दशलक्ष टन सिमेंटचे उत्पादन करण्याचे समूहाचे उद्दिष्ट आहे. कुमार मंगल बिर्ला यांच्या मालकीच्या अल्ट्राटेक सिमेंटची क्षमता 150 दशलक्ष टनांपेक्षा जास्त आहे. देशातील तिसरी सर्वात मोठी सिमेंट उत्पादक कंपनी, हरि मोहन बांगूर यांच्या नेतृत्वाखालील श्री सिमेंटने एप्रिलमध्येच आंध्र प्रदेशमध्ये 3 दशलक्ष टन क्षमतेचा कारखाना सुरु केला आहे. यासोबतच कंपनीने उत्पादन क्षमता 56 दशलक्ष टनांपर्यंत वाढवण्याचे लक्ष्य ठेवले आहे.
अंबुजा सिमेंटने यापूर्वी गुजरातमधील सांगी, तामिळनाडूमधील माय होम सिमेंट फॅक्टरी आणि हिमाचल प्रदेश आणि पंजाबमधील एशियन काँक्रीट आणि सिमेंटचे कारखाने खरेदी केले होते. प्रताप रेड्डी यांनी यापूर्वी सिमेंट व्यवसायासाठी आयपीओ आणण्याची योजना आखली होती. पण नंतर त्यांनी आपला प्लॅन बदलला. ऑक्टोबर 2021 मध्ये, पेन्नाला 1550 कोटी रुपयांचा IPO लॉन्च करण्यासाठी SEBI कडून मंजुरी मिळाली. पण तो पुढे नेला नाही.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.