भारतामध्ये डिजिटलायझेशन वाढल्याने फसवणुकीचे प्रकार अधिक वाढले आहेत. फसवणूक करणाऱ्यांसाठी नवे मार्ग शोधण्यास सुरुवात केली आहे. अनेक वेळा तुम्हाला याचा अनुभव देखिल आला असेल. अनेक वेळा तुम्हाला बँकेचे अधिकारी बनून कॉल करतात, यांनतर ते तुमच्या कार्डची माहिती घेऊन तुमच्या खात्यातील पैसे (Money) काढून घेतात. पण फसवणूक (Fraud) करणाऱ्याची एकच पद्धत नसून ते अनेक नवनवीन पद्धतीने फसवुक करतात. अनेक वेळा ते कस्टमर केअरचा नंबर वापरून लोकांची फसवणूक करतात.

स्टेट बँक ऑफ इंडियाने (SBI) आपल्या ग्राहकांना या फसवणुकीबाबत सावध केले आहे. SBI ने आपल्या ग्राहकांना मेल आणि मॅसेजद्वारे सांगितले आहे की SBI यापुढे SBI कार्डवर दिलेल्ल्या 18601801290 किंवा 18001801290 या दोन हेल्पलाईन (Helpline) नंबरवरून कॉल करणार नाही. याचे कारण म्हणजे यासारख्या नंबरचा वापर करून लाखोंची फसवणूक केली आहे. गेल्या काही दिवसात अशी प्रकरणे समोर आली आहेत.

अनेकांना गूगलवर (Google) कस्टमर केअरचा नंबर शोधण्याची सवय असते. पण असे करणे टाळावे. यामुळे आपले मोठे आर्थिक नुकसान होऊ शकते. अनेक वेळा गूगलवर दिसणारे नंबर हे फसवणूक करणाऱ्या लोकांचे असतात. तुमच्या खात्याची माहिती घेऊन तुमचे खाते खाली करू शकतात. तसेच मोबाइलवरून कोणालाही आपल्या बँक (Bank) खात्याबद्दल माहिती देऊ नये.