Elon Musk Net Worth

एलन मस्क पुन्हा एकदा जगातील सर्वात श्रीमंत व्यक्ती बनले आहेत. टेस्लाच्या सीईओने फ्रेंच उद्योगपती बर्नार्ड अरनॉल्ट यांना मागे टाकले आहे. गेल्या काही दिवसांपासून एलोन मस्क यांच्या संपत्तीत वाढ झाली आहे. त्याच वेळी, पॅरिस ट्रेडिंगच्या बर्नार्ड अरनॉल्ट यांच्या एलव्हीएमएचचे शेअर्स 2.6 टक्क्यांनी घसरले.

बर्नार्ड अरनॉल्ट यांच्या कंपनीच्या शेअर्समध्ये मोठ्या घसरणीमुळे एलन मस्क पुन्हा जगातील सर्वात श्रीमंत व्यक्ती बनले आहेत. ब्लूमबर्ग अब्जाधीश निर्देशांकात या वर्षी अव्वल स्थानासाठी स्पर्धा होती.

कधी एलन मस्क तर कधी बर्नार्ड अरनॉल्ट वरच्या स्थानावर होते. तथापि, बर्नार्ड अरनॉल्ट या वर्षात बराच काळ जगातील सर्वात श्रीमंत व्यक्ती राहिले. आणि एलन मस्क दुसऱ्या स्थानावर होते.

बर्नार्ड अरनॉल्ट यांच्या शेअर्समध्ये मोठी घसरण

बर्नार्ड अरनॉल्ट हे ७४ वर्षांचे फ्रेंच बिझनेस टायकून आहेत. डिसेंबर 2022 मध्ये मस्क यांना मागे टाकून ते पहिल्यांदाच जगातील सर्वात श्रीमंत व्यक्ती बनले. अरनॉल्ट यांनी LVMH कंपनीची स्थापना केली, जी लुई व्हिटॉन, फेंडी आणि हेनेसी या ब्रँडची मालक आहे.

ब्लूमबर्ग वृत्तसंस्थेनुसार, चीनच्या महत्त्वाच्या बाजारपेठेत मंद आर्थिक वाढीमुळे लक्झरी क्षेत्र खाली आले आहे. अशा परिस्थितीत एप्रिलपासून LVMH चे शेअर्स सुमारे 10 टक्क्यांनी घसरले आहेत.

एका दिवसात 11 अब्ज डॉलरचे नुकसान

एका वेळी, एका दिवसात अरनॉल्ट यांच्या एकूण मालमत्तेतून $11 बिलियनचे नुकसान झाले होते. दुसरीकडे, बुधवारी त्यांच्या एकूण मालमत्तेत $5.25 अब्जांचे नुकसान झाले आहे. आता बर्नार्ड अरनॉल्ट यांची एकूण संपत्ती १८७ अब्ज डॉलर्स झाली आहे. मात्र, यावर्षी त्यांची संपत्ती २४.५ अब्ज डॉलरने वाढली आहे.

एलन मस्क यांच्याकडे किती संपत्ती होती?

जगातील सर्वात श्रीमंत व्यक्ती बनलेल्या एलन मस्क यांची संपत्ती 192 अब्ज डॉलर झाली आहे. ब्लूमबर्ग बिलियनेअर इंडेक्सनुसार, बुधवारी एलोन मस्क यांच्या एकूण संपत्तीत $1.98 अब्जची वाढ झाली आहे. या वर्षी त्यांची एकूण संपत्ती ५५.३ अब्ज डॉलरने वाढली आहे.

गेल्या वर्षी एलन मस्क यांनी ट्विटर ही माइक्रो ब्लॉगिंग कंपनी खरदी केली असून, त्यामध्ये मात्र मस्क यांचे नुकसान होताना दिसत आहे. मात्र, तरीही मस्क जगातील सर्वात श्रीमंत व्यक्ती होण्यात यशस्वी ठरले.