Dividend income of Indian oil companies is stuck in Russian banks due to sanctions imposed by the West:

भारतीय सार्वजनिक क्षेत्रातील तेल कंपन्यांचे लाभांश उत्पन्न रशियाच्या बँकांमध्ये पाश्चिमात्य देशांनी लादलेल्या निर्बंधांमुळे अडकले आहेत आणि आता ते पैसे रशियाकडून तेल खरेदीसाठी वापरावेत अशी त्यांची इच्छा आहे.

या प्रकरणाची माहिती असलेल्या सूत्रांनी सांगितले की, भारतीय कंपन्या त्यांच्या अडकलेल्या पैशाचा वापर करण्यासाठी सर्व कायदेशीर पर्याय शोधत आहेत.

रशियाने ONGC विदेश (OVL), ऑइल इंडिया (OIL), इंडियन ऑइल कॉर्पोरेशन (OIC) आणि भारत पेट्रोरेसोर्सेस यांनी एकूण 4900 कोटी रुपये डिव्हिडंड इन्कम रशियाच्या बँक खात्यांमध्ये अडकला आहे. कारण फेब्रुवारी २०२२ मध्ये युक्रेनवर केलेल्या हल्ल्यामुळे रशियाच्या पेमेंट चॅनेलवर बंदी घालण्यात आली आहे.

डिव्हिडंड इन्कम म्हणजे तुम्हाला कंपनीचे शेअर्स खरेदी करून मिळणारा पैसा. जर कंपनी नफ्यात असेल तर ती त्या नफ्यातील काही भाग तिच्या भागधारकांना देते.

आता भारतीय कंपन्यांनी त्यांच्या रशियन भागीदारांसोबत डिव्हिडंड इन्कमचा मुद्दा उपस्थित केला आहे. भारत आणि रशियाची सरकारेही या विषयावर चर्चा करत आहेत.

रशिया सध्या भारताचा सर्वात मोठा तेल पुरवठादार आहे. डायरेक्टरेट जनरल ऑफ कमर्शियल इंटेलिजन्स अँड स्टॅटिस्टिक्सच्या आकडेवारीनुसार, भारताने जुलै महिन्यात रशियाकडून $3.37 अब्ज डॉलरचे तेल खरेदी केले आहे.

" या गुंतागुंतीच्या प्रकरणात सर्वात व्यावहारिक पर्याय म्हणजे रशियाकडून खरेदी केलेल्या तेलासाठी पेमेंट म्हणून हा डिव्हिडंड इन्कम वापरणे," असे भारतातील सरकारी तेल कंपनीच्या एका वरिष्ठ अधिकाऱ्याने नाव न सांगण्याच्या अटीवर इंडियन एक्सप्रेसला सांगितले.

मात्र यामध्ये अनेक आर्थिक आणि कायदेशीर अडचणी आहेत. यावर तोडगा काढण्यासाठी आम्ही प्रयत्नशील आहोत, असेही त्यांनी नमूद केले.

कर, लेखाविषयक समस्या आणि आंतरराष्ट्रीय कर अधिकार क्षेत्राशी संबंधित आव्हानांमुळे डिव्हिडंड इन्कमचा पैसा थेट तेलासाठी वापरणे शक्य नाही. आणि भारतीय तेल कंपन्यांना रशियाविरुद्ध पाश्चात्य निर्बंधांचे उल्लंघन करायचे नाही.