7th Pay Commission: केंद्रीय कर्मचाऱ्यांसाठी महत्त्वाची बातमी आहे. DA बाबत नवीन अपडेट आली आहे. नवीन वर्षात महागाई भत्त्यात वाढ होणार आहे, पण नव्या पद्धतीने. इतकेच नाही तर आता केंद्रीय कर्मचाऱ्यांनाही डीए वाढीवर कर भरावा लागणार आहे. मिळालेल्या माहितीनुसार, कामगार आणि रोजगार मंत्रालयाने महागाई भत्त्यासंदर्भात गणनाचे सूत्र बदलले आहे. नवीन अपडेट्स जाणून घेऊया...

काय बदलले आहे ते जाणून घ्या

यापूर्वी, 2016 मध्ये कामगार मंत्रालयाने डीए वाढीचे मूळ वर्ष बदलले होते. विभागाकडून वेतन दर निर्देशांक (WRI) ची नवीन सीरीज प्रसिद्ध करण्यात आली आहे. कामगार मंत्रालयाने दिलेल्या माहितीनुसार, आता 7व्या वेतन आयोगात (7th Pay Commission), आधार वर्ष 2016 = 100 असलेली नवीन सीरीज मूळ वर्ष 1963-65 च्या जुन्या सीरीजची जागा घेईल. म्हणजेच सूत्रात बदल झाला आहे.

आता हिशोब कसा होणार?

वास्तविक, सातव्या वेतन आयोगाअंतर्गत, एकूण महागाई भत्त्याची गणना सध्याच्या महागाई भत्त्याच्या दराला मूळ वेतनासह गुणाकार करुन केली जाते. त्यानुसार, 12% च्या सध्याच्या दराच्या आधारावर, जर तुमचा मूळ पगार 20 हजार असेल, तर DA (20,000 x12)/100 असेल. महागाई भत्त्याची टक्केवारी = गेल्या 12 महिन्यांची CPI ची सरासरी-115.76. आता या रकमेला 115.76 ने भागल्यास मिळालेल्या निष्कर्षाला 100 ने गुणाकार केला जाईल. आणि मग हा तुमचा महागाई (Inflation) भत्ता असेल. 7 व्या वेतन आयोगाअंतर्गत 38% महागाई भत्ता आहे.

डीए वाढीवर कर भरावा लागेल

विशेष म्हणजे, 7 व्या वेतन आयोगाअंतर्गत महागाई भत्त्यावर कर भरावा लागेल. इन्कम टॅक्स रिटर्नमध्ये महागाई भत्त्याची सविस्तर माहिती द्यावी लागेल. त्यानुसार, तुम्हाला महागाई भत्त्यावर (DA) कर भरावा लागेल.