7th Pay Commission Latest Update: मोदी सरकारने 24 मार्च रोजी केंद्रीय कर्मचाऱ्यांच्या डीएमध्ये 4 टक्के वाढीची घोषणा केली. यानंतर सरकारी कर्मचाऱ्यांच्या पगारात आणि पेन्शनधारकांच्या पेन्शनमध्ये वाढ होणार आहे.
महागाई वाढीच्या अनुषंगाने डीएमध्ये 4 टक्के वाढ करण्यात आली आहे. सरकारने 1 जानेवारी 2023 पासून केंद्रीय कर्मचार्यांसाठी वाढीव डीए जाहीर केला आहे. पेन्शनधारकांनाही याचा लाभ मिळणार आहे.
महागाई भत्ता आणि महागाई सवलत (DA/DR) मध्ये 4 टक्के वाढ झाल्याने, 47.58 लाख केंद्रीय कर्मचारी आणि 69.76 लाख निवृत्तीवेतनधारकांच्या पेन्शन रकमेत वाढ होणार आहे.
कर्मचार्यांना (Employees) मूळ वेतनाच्या आधारे डीए, तर डीआर मूळ पेन्शनच्या आधारावर दिला जातो. उदाहरणार्थ, जर एखाद्या सरकारी कर्मचार्याला दरमहा 42,000 रुपये पगार मिळत असेल आणि त्याचा मूळ पगार सुमारे 25,500 रुपये असेल. यापैकी त्यांना 9,690 रुपये महागाई भत्ता मिळणार आहे.
आता जर 25,500 रुपयांच्या मूळ वेतनावर डीए 4 टक्क्यांनी वाढला तर तो 10,710 रुपये होईल. या प्रकरणात, दरमहा टेक होम पगारात 1,020 रुपयांची वाढ होईल.
जर आपण वार्षिक बद्दल बोललो तर ते 12240 रुपये आहे. त्याचप्रमाणे 69.76 लाख पेन्शनधारकांच्या मासिक पेन्शनमध्येही वाढ होणार आहे.
जर एखाद्या पेन्शनधारकाला महिन्याला 30,000 रुपये मूळ पेन्शन मिळते. त्यामुळे त्याला महागाई सवलत (DR) म्हणून 11,400 रुपये मिळाले असते.
आता ही रक्कम वाढून 12,600 रुपये होणार आहे. अशा प्रकारे, पेन्शनमध्ये (Pension) दरमहा 800 रुपयांची वाढ होणार आहे.
तसेच, सरकारने वाढवलेला DA आणि DR 1 जानेवारी 2023 पासून लागू होईल. केंद्र सरकार वर्षातून दोनदा DA आणि DR वाढवण्याची घोषणा करते. सरकारी कर्मचाऱ्यांना महागाई भत्ता आणि पेन्शनधारकांना महागाई सवलत दिली जाते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.