7th Pay Commission Latest News: केंद्रीय कर्मचाऱ्यांच्या महागाई भत्ता वाढीबाबत लवकरच निर्णय होणार आहे. जानेवारी 2023 पासून महागाई भत्ता पुन्हा वाढणार आहे. होळीपूर्वी याबाबत शासन निर्णय घेईल, अशी अपेक्षा आहे.
1 मार्च रोजी होणाऱ्या मंत्रिमंडळाच्या बैठकीत डीए वाढीला मंजुरी मिळणे अपेक्षित आहे. असे झाल्यास मार्चच्या पगारातील थकबाकीसह कर्मचाऱ्यांना वाढीव महागाई भत्ता दिला जाईल. एआयसीपीआय निर्देशांकाच्या डिसेंबरपर्यंतच्या आकडेवारीवरुन हे स्पष्ट झाले आहे की, यावेळी महागाई भत्ता 4 टक्क्यांनी वाढणार आहे.
महागाई भत्त्यात 4 टक्क्यांनी वाढ झाल्यामुळे कर्मचाऱ्यांच्या (Employees) पगारात चांगली वाढ होणार आहे. सध्या महागाई भत्ता 38% आहे, जो 42% पर्यंत वाढण्याची अपेक्षा आहे. जानेवारीत महागाई भत्त्यामध्ये झालेल्या वाढीच्या आधारे नवीन डीए मोजला जाईल. यावेळी त्यात चांगली वाढ होताना दिसत आहे.
तसेच, केंद्र सरकारच्या (Central Government) सुमारे एक कोटी कर्मचारी आणि पेन्शनधारकांना याचा फायदा होणार आहे. जुलै ते डिसेंबरपर्यंत AICPI निर्देशांकाचा सर्वोच्च आकडा 132.5 अंकांवर आहे. त्या आधारावर डीएमध्ये 4 टक्के वाढ निश्चित करण्यात आल्याचे मानले जात आहे.
सध्या केंद्रीय कर्मचाऱ्यांना 38 टक्के दराने डीए दिला जातो. यामध्ये 4% वाढ झाली तर ती 42% पर्यंत वाढेल. यानंतर, 18,000 रुपये मूळ वेतन असलेल्यांचा वार्षिक महागाई भत्ता 90,720 रुपये होईल. सध्याच्या महागाई भत्त्यातील फरकाबाबत बोलायचे झाल्यास, पगारात दरमहा 720 रुपये आणि वार्षिक 8640 रुपयांची वाढ होणार आहे.
1. कर्मचार्याचे मूळ वेतन रु. 18,000
2. नवीन महागाई भत्ता (42%) रुपये 7560 प्रति महिना
3. नवीन महागाई भत्ता (42%) रुपये 90,720 प्रतिवर्ष
4. आतापर्यंतचा महागाई भत्ता (38%) 6840 रुपये प्रति महिना
5. किती महागाई भत्ता वाढला 7560-6840 = 720 रुपये प्रति महिना
6. वार्षिक पगारात वाढ 720X12 = रु 8,640
1. कर्मचार्यांचे मूळ वेतन रु 56,900
2. नवीन महागाई भत्ता (42%) 23,898 रुपये प्रति महिना
3. नवीन महागाई भत्ता (42%) रुपये 286,776 प्रतिवर्ष
4. आतापर्यंतचा महागाई भत्ता (38%) 21622 रुपये प्रति महिना
5. किती महागाई भत्ता वाढला 23898-21622 = रु 2276 प्रति महिना
6. वार्षिक पगारात वाढ 2276 X12 = रु. 27,312
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.