7th Pay Commission DA Hike: केंद्र सरकारचे 65 लाख कर्मचारी आणि 48 लाख पेन्शनधारकांच्या महागाई भत्त्याबाबतचा निर्णय मार्चच्या पहिल्या आठवड्यात येणार आहे. मार्चमध्ये डीए वाढीचा निर्णय घेण्यापूर्वी केंद्रीय कर्मचाऱ्यांसाठी एक मोठी अपडेट आली आहे. ही बातमी ऐकून लाखो कर्मचाऱ्यांना मोठा झटका बसू शकतो.
होय, नोव्हेंबरनंतर डिसेंबरमध्ये कामगार मंत्रालयाने जाहीर केलेल्या AICPI निर्देशांकाच्या आकडेवारीत घट झाली आहे. या आकड्यात घट झाल्यानंतर, डीएमध्ये वाढ अपेक्षेपेक्षा कमी असू शकते.
जुलै ते नोव्हेंबरपर्यंत AICPI निर्देशांकाचा आकडा सातत्याने वाढत होता. मात्र डिसेंबरमध्ये घट नोंदवण्यात आली आहे. 1 जानेवारीपासून महागाई भत्त्यात (Inflation Allowance) वाढ आता त्याच्या आधारे कमी केली जाऊ शकते.
मात्र, ऑक्टोबर आणि नोव्हेंबरची आकडेवारी तशीच राहिली. नोव्हेंबरच्या तुलनेत डिसेंबरचा आकडा 132.3 अंकांवर घसरला आहे. ऑक्टोबर आणि नोव्हेंबरमध्ये हा आकडा 132.5 अंकांवर होता. सप्टेंबरमध्ये ते 131.3, ऑगस्टमध्ये 130.2 आणि जुलैमध्ये 129.9 होते.
31 जानेवारी रोजी, कामगार मंत्रालयाने डिसेंबरसाठी AICPI निर्देशांकाची आकडेवारी जाहीर केली. आता, कामगार मंत्रालयाने जारी केलेल्या आकडेवारीच्या आधारे, 1 जानेवारीपासून कर्मचाऱ्यांच्या डीएमध्ये 4 टक्क्यांऐवजी 3 टक्के वाढ होऊ शकते.
म्हणजेच, हा आकडा कमी झाल्यामुळे थेट कर्मचाऱ्यांचे (Employees) एक टक्का नुकसान होऊ शकते. ही वाढ सरकारकडून मार्चमध्ये जाहीर केली जाणार आहे.
जुलैचा महागाई भत्ता 4 टक्क्यांनी वाढल्यानंतर केंद्रीय कर्मचाऱ्यांचा महागाई भत्ता 38 टक्क्यांवर पोहोचला आहे. आता त्यात 3 टक्के वाढ झाली तर 41 टक्के होईल. सातव्या वेतन आयोगाअंतर्गत (7th Pay Commission) केंद्रीय कर्मचाऱ्यांचा डीए वर्षातून दोनदा वाढवला जातो. जानेवारी 2022 आणि जुलै 2022 चा DA जाहीर झाला आहे. आता जानेवारी 2023 चा डीए जाहीर केला जाईल.
AICPI निर्देशांकाच्या आधारे महागाई भत्त्यात किती वाढ होईल हे ठरविले जाते? दर महिन्याच्या शेवटच्या कामकाजाच्या दिवशी, अखिल भारतीय ग्राहक किंमत निर्देशांक (AICPI) ची आकडेवारी कामगार मंत्रालयाद्वारे जारी केली जाते. हा निर्देशांक 88 केंद्रांसाठी आणि संपूर्ण देशासाठी तयार करण्यात आला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.