Fitment Factor: केंद्रीय कर्मचाऱ्यांच्या पगारात पुन्हा वाढ होणार असल्याचे सांगण्यात येत आहे. मार्च महिन्यात या लोकांना आनंदाची बातमी मिळू शकते असे वृत्त आहे. वास्तविक, सरकारी कर्मचार्‍यांना बर्‍याच काळापासून डीए वाढीची अपेक्षा आहे.
याशिवाय, फिटमेंट फॅक्टरबाबतही लोक खूप आशावादी आहेत. तिथे लोक पगार रिव्हिजनची अपेक्षा करुन बसले आहेत. अशा परिस्थितीत आज आम्ही तुम्हाला त्या तीन मुद्द्यांबद्दल सांगणार आहोत, ज्यांच्या घोषणेमुळे सरकारी कर्मचाऱ्यांना दिलासा मिळू शकतो.
केंद्र सरकारचे कर्मचारी (Employees) होळीनंतर केंद्र सरकारकडून काही मोठ्या घोषणांची अपेक्षा करु शकतात. यामध्ये 7वा वेतन आयोग फिटमेंट फॅक्टर, महागाई भत्ता (DA) वाढ आणि वेतन सुधारणा यांचा समावेश आहे. अलीकडेच, केंद्र सरकारने 7 व्या वेतन आयोगाच्या शिफारशींनुसार केंद्रीय कर्मचार्‍यांसाठी घरभाडे भत्ता किंवा (HRA) नियम देखील अपडेट केला आहे.
वृत्तानुसार, 8 व्या वेतन आयोगासाठी केवळ एक वर्ष शिल्लक आहे, हे लक्षात घेऊन सरकार (Government) वेतन सुधारणेसाठी नवीन सूत्र जाहीर करु शकते. 2023 च्या होळीनंतर असे होऊ शकते अशी अपेक्षा आहे.
रिपोर्टनुसार, केंद्रीय कर्मचार्‍यांचे मूळ वेतन होळीनंतर वाढण्याची शक्यता आहे, कारण सरकार प्रलंबित फिटमेंट फॅक्टर वाढीबाबत निर्णय घेऊ शकते. मीडिया सूत्रांनी असेही सुचवले आहे की, फिटमेंट फॅक्टर वाढल्यानंतर, सरकारी कर्मचाऱ्यांचे मूळ वेतन देखील 18,000 रुपयांवरुन 26,000 रुपये केले जाईल.
सरकारी कर्मचाऱ्यांना फिटमेंट फॅक्टरच्या आधारे पगार मिळतो आणि सध्या फिटमेंट फॅक्टर 2.57 टक्के आहे. जरी सरकारी कर्मचारी फिटमेंट फॅक्टर 3.68 टक्के वाढवण्याची मागणी करत आहेत.
केंद्र सरकार मार्च 2023 मध्ये 1 जानेवारीपासून सरकारी कर्मचाऱ्यांच्या महागाई भत्त्यात (DA) वाढ करु शकते. केंद्र सरकारने गेल्या वर्षी सप्टेंबरमध्ये डीएमध्ये 4 टक्के वाढ केली होती, त्यामुळे डीए 34 टक्क्यांवरुन 38 टक्के करण्यात आला होता. या मार्चमध्ये सरकार DA 4% ने वाढवू शकते. सरकार पेन्शनधारकांच्या महागाई पेन्शन (DR) मध्येही वाढ करण्याची शक्यता आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.