Wayanad landslide: वायनाड दुर्घटनेतील मृतांचा आकडा 360 वर!

देशभरात सध्या पावसानं थैमान घातलं आहे. सातत्याने पडणाऱ्या पावसामुळे जनजीवन पुरते विस्कळीत झाले आहे. खासकरुन पश्चिम किनारपट्टीतील राज्यांना पावसाचा सर्वाधिक फटका बसला आहे. केरळमधील वायनाड येथील भूस्खलनाच्या घटनेने अवघा देश हादरला. आताही वायनाडमध्ये संततधार सुरुच आहे. मिळालेल्या माहितीनुसार, या दुर्घटनेतील मृतांचा आकडा आता 360 वर पोहोचला आहे. मागील चार ते पाच दिवसांपासून आपत्कालीन विभागाकडून बचावकार्याचे काम सुरु आहे. भारतीय लष्कर, एनडीआरएफ आणि केरळ राज्य आपत्कालीन विभागाकडून हे बचावकार्याचे काम सुरु आहे.