Vishwajit Rane on Kolkata Case: डॉक्टरांच्या सुरक्षेसाठी गोवा वैद्यकीय कायद्यात सुधारणांची गरज

कोलकाता येथील आरजी कर वैद्यकीय महाविद्यालयातील लेडी डॉक्टरवर लैंगिक अत्याचार आणि हत्या प्रकरणाचे गोव्यातही पडसाद उमटतायेत. याच पार्श्वभूमी आता गोव्याचे मुख्यमंत्री डॉ. प्रमोद सावंत यांनीही आपली प्रतिक्रिया दिली. पश्चिम बंगालच्या मुख्यमंत्री ममता बॅनर्जी यांनी अशा संवेदनशील प्रकरणात हालगर्जीपणा दाखवल्याबद्दल मुख्यमंत्री सावंत यांनी चांगलाच समाचार घेतला. यातच आता, डॉक्टरांच्या संरक्षणासाठी राज्याच्या कायद्यांमध्ये बदल करण्याची गरज गोव्याचे आरोग्यमंत्री विश्वजित राणे यांनी बोलून दाखवली. सरकारी दवाखान्यात आधीच सीसीटीव्ही बसवलेले आहेत. आम्ही डॉक्टरांसोबत असून त्यांच्या मागण्यांना आमचा पाठिंबा असल्याचेही यावेळी राणे म्हणाले.