केपे: जो नेता मराठी राजभाषा होण्यासाठी समर्थन देत नाही, त्या नेत्याला किंवा पक्षाला आम्ही मतदान करणार नाही, असा निर्धार आम्ही केला पाहिजे, अशी कडक भूमिका मराठी राजभाषा आंदोलनाचे नेते सुभाष वेलिंगकर यांनी आज जाहीर केली. केपे येथील ज्ञानेश्वर मंदिरातील कार्यक्रमात ते बोलत होते.
म्हापसा येथे १० हजार लोकांची उपस्थिती असलेल्या भरगच्च संमेलनात भाजप नेते लालकृष्ण अडवाणी यांच्यासमोर मनोहर पर्रीकर यांनी, सत्तेवर आल्यास मराठी भाषेला राजभाषेचा दर्जा देतो, असे खुलेआम आश्वासन दिले होते.
मात्र, ते आणि त्यांच्यानंतरच्या नेत्यांनीही या आश्वासनाला हरताळ फासला, अशी खंत वेलिंगकर यांनी व्यक्त केली. मराठी भाषेचे स्थान कोणत्याही राजकीय पक्षापेक्षा वर असायला हवे.
आपण वर्षानुवर्षे ठरावीक पक्षाला मतदान करीत आला असला, तरी आगामी निवडणुकीत केवळ मराठी भाषेला राजभाषेचा दर्जा देणाऱ्या पक्षाला वा नेत्यालाच मतदान करावे, अन्यथा मतदान करू नये. यापेक्षा वेगळे कोणतेही शस्त्र तुमच्याकडे नाही, असे वेलिंगकर यावेळी म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.