Vasco Bhajani Saptah: वास्कोत श्री दामोदर भजनी सप्ताहाला सुरुवात!

वास्को शहरातील भाविकांचे श्रद्धास्थान असलेल्या श्री दामोदर मंदिरात (Shri Damodar Temple) बुधवारपासून (30 जुलै) पारंपरिक भजनी सप्ताहाला (Bhajani Saptah) मोठ्या उत्साहात सुरुवात झाली. सप्ताहाच्या निमित्ताने संपूर्ण वास्को शहर भक्तीमय वातावरणात न्हाऊन निघाले आहे. दरवर्षीप्रमाणे यंदाही हजारो भाविक या सप्ताहात सहभागी होण्यासाठी वास्कोत दाखल झाले आहेत. सप्ताहाचा मुख्य गाभा असलेले अखंड भजन पहाटेपासूनच सुरु झाले असून, ते पुढील सात दिवस अव्याहतपणे सुरु राहणार आहे. मंदिराला आकर्षक रोषणाई करण्यात आली असून परिसरात उत्साहाचे वातावरण आहे.