Navelim Bus Accident: गोव्यात नागरिकांच्या जीवाशी खेळ; प्रवासी मिळविण्यासाठी दोन बसमध्ये शर्यत, कारसह दुचाकीस्वाराला धडक

पणजी: दोन बसमधील शर्यतीमुळे नावेली येथे दोन अपघात झाले आहेत. दोन्ही बस कुंकळ्लीहून मडगावला येत होत्या, या दरम्यान हा भीषण अपघात झाला. घाईघाईत प्रवासी मिळविण्यासाठी दोन्ही बसमध्ये स्पर्धा सुरू होती, अशी माहिती समोर आलीय. या अपघातात एका बसनं कारला धडक दिली, तर दुसऱ्या बसनं एका दुचाकीस्वाराला धडक दिल्याची माहिती समोर आलीय. वाहतूक पोलीस अशा अपघातांवर दुर्लक्ष करत आहे, अशा बसेसवर कारवाई करण्याची मागणी नागरिकांनी केलीय.