Turtle Rescue At Colva Beach: मच्छिमारांनी केली दोन ऑलिव्ह रिडले कासवांची सुटका

Colva Olive Ridley Rescue:

सोमवारी संध्याकाळी कोलवा मच्छिमारांनी एका जखमीसह दोन ऑलिव्ह रिडले कासवांची सुटका केली. या कासवांना वनविभागाच्या अधिकाऱ्यांनी ताब्यात घेऊन उपचारासाठी पाठवले. कोलवा समुद्रकिनारी एका वृद्ध मच्छिमाराने ही कासवे मासेमारीच्या जाळ्यात अडकलेली पाहिली.गोव्याच्या मच्छिमार संघटनेचे अध्यक्ष थॉमस रॉड्रिग्स यांनी सांगितले की, त्यांच्या वडिलांनी दोन कासवांना पाहिले, त्यापैकी एक जाळ्यात अडकल्याने जखमी होते. “माझ्या वडिलांनी एक कासव जखमी कासवाला समुद्रकिनाऱ्याकडे ढकलण्याचा प्रयत्न करताना पाहिले. आम्ही ताबडतोब जीवरक्षकांशी संपर्क साधला,” असे तो म्हणाला. उपचारानंतर त्यांना समुद्रात सोडण्यात येणार आहे. थॉमस म्हणाले की, समुद्री कासव किनाऱ्यावर दिसले तर काय करावे याबाबतीत वन अधिकाऱ्यांनी स्थानिक मच्छिमारांसाठी जनजागृती कार्यक्रम आयोजित केला होता.