Porvorim Flyover: पर्वरी उड्डाणपुलाच्या कामामुळे वाढलेल्या प्रदूषणाविरोधात स्थानिकांची याचिका दाखल

Porvorim Flyover Traffic Jam

पर्वरी: रस्त्यावरील सुरक्षितता तसेच वाहतूक कोंडीसंदर्भातची जनहित याचिका मोसेस पिंटो यांनी सादर केली होती त्यावर प्राथमिक सुनावणी झाली. आता पुढील सुनावणी डिसेंबरमध्ये ठेवण्यात आली आहे. पर्वरी महामार्गावरील उड्डाण पुलाच्या बांधकामावेळी वाहतुकीची कोंडी होऊ नये, यासाठी पर्यायी अंतर्गत रस्त्यांचे डांबरीकरण करण्यात येईल, असे सरकारने गोवा खंडपीठासमोर सांगितले आहे.

या जनहित याचिकेवरील मागील सुनावणीवेळी गोवा खंडपीठाने सरकारला बैठक घेऊन या महामार्गावरील सुरक्षितता तसेच वाहतूक कोंडीसंदर्भात सूचना मांडण्याचे निर्देश दिले होते. या निर्देशानुसार काल गिरी येथे वाहतुकीची कोंडी अपेक्षित असलेल्या ठिकाणी प्रत्यक्षात जाऊन ॲडव्होकेट जनरल देविदास पांगम यांच्या अध्यक्षतेखाली विविध खात्याच्या अधिकाऱ्यांनी पाहणी केली.