'लवकर शिक्षक पाठवा, नाहीतर मुलांचे नुकसान' तळगावच्या शाळांमध्ये शिक्षकांचा तुटवडा

Teacher Vacancies Goa: तळगाव येथील माध्यमिक आणि प्राथमिक शाळांमध्ये शिक्षकांचा तुटवडा असल्याची माहिती शाळेच्या शिक्षिका वर्षाली वेरेकर यांनी दिली आहे. माध्यमिक शाळांमध्ये सध्या दोन शिक्षक कार्यरत आहे तर एक शारीरिक शिक्षक आहे. तर प्राथमिक शाळांमध्ये शिक्षक नाहीत. सध्या विद्यार्थ्यांची भरती सुरु असून एकूण आकडा ४० पर्यंत जाण्याची शक्यता असल्याचं त्या म्हणाल्या आहेत. मुलांची संख्या अधिक आणि शिक्षकांची कमतरता असल्याने सर्व विद्यार्थ्यांकडे लक्ष देणं कठीण जात असल्याने लवकरात लवकर शिक्षक रुजू कळवावेत अशी मागणी शिक्षिका वर्षाली वेरेकर यांनी केली.