Sunburn Festival 2024: धारगळ पंचायतीकडे ‘सनबर्न’साठी अर्ज; पंचांना प्रत देण्यास सचिवांचा नकार

Sunburn Festival 2024 Application For Permission At Dhrgalim Panchayat

पेडणे: धारगळ येथे सनबर्नचे आयोजन करण्यासाठी परवानगी मिळावी, यासाठी पंचायतीकडे आयोजकांनी अर्ज केला आहे. त्या अर्जाची प्रत मिळावी, अशी मागणी करूनही एका पंचसदस्याला ती न मिळाल्याने पंचायतीत दोन गट निर्माण होतील, अशी शक्यता आहे.

धारगळ येथे सनबर्न आयोजनासाठी ग्रामपंचायत कार्यालयात संध्याकाळी अर्ज करण्यात आला. पंच सदस्य अनिकेत साळगावकर यांनी या अर्जाची प्रत मिळावी, यासाठी पंचायत सचिव प्रीतम सावंत यांच्याकडे लेखी स्वरूपात मागणी केली. मात्र, सचिवांनी साळगावकर यांचा अर्ज नोंदवून घेतला नाही आणि सनबर्नसाठी परवानगी मागितलेल्या अर्जाची प्रतही दिली नाही. याबद्दल पंचायत सचिव आणि सरपंच सतीश धुमाळ यांच्या विरोधात गटविकास कार्यालयात तक्रार केली आहे.