Sudin Dhavalikar: चक्रीवादळामुळे सरकारचे तसेच सर्वसामान्यांचेही नुकसान
गेल्या काही दिवसांपासून राज्यात मुसळधार पावसाने हाहाकार माजवला आहे. राजधानी पणजीसह अनेक महत्त्वाच्या शहरातील जनजीवन विस्कळीत झाले आहे. तीन दिवसांपूर्वी पणजीत कामासाठी निघालेल्या 19 वर्षीय आरती गोंड या तरुणीचा अंगावर झाड पडल्याने मृत्यू झाला होता. तर दुसरीकडे, चक्रीवादळामुळे राज्याचे मोठे नुकसान झाले आहे. सर्वसामान्यांना मोठा त्रासाचा सामना करावा लागत आहे. याच पाश्वभूमीवर महाराष्ट्रवादी गोमन्तक पक्षाचे प्रमुख आणि आमदार सुदिन ढवळीकर यांनी सरकारचा चांगलाच समाचार घेतला. सरकारच्या हालगर्जीपणावर ढवळीकर बरसले. राज्यात सातत्याने पडणाऱ्या पावसामुळे लोक हैराण झाले आहेत. राज्यात सगळीकडे पूरसदृश्य स्थिती आहे. सरकारने तात्काळ वित्तहानी झालेल्या लोकांना मदत करावी असे ढवळीकर म्हणाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.