'सरपंचांची अटक राजकीय हेतूने प्रेरित'; अ‍ॅग्नेलो फर्नांडिस यांचा कारवाईवर सवाल!

हडफडे सरपंचांच्या अटकेबद्दल प्रसारमाध्यमांशी बोलताना अ‍ॅग्नेलो फर्नांडिस यांनी म्हटले की, ही अटक अनावश्यक असून, ती राजकीय हेतूने प्रेरित असल्याचे दिसते. सरपंचांना थेट अटक करण्याऐवजी चौकशीसाठी बोलावले पाहिजे होते, असे सांगत त्यांनी कारवाईच्या घाईवर प्रश्नचिन्ह उभे केले. फर्नांडिस यांनी तपासात पारदर्शकता ठेवण्याची मागणी केली. तसेच, राजकीय दबावाखाली न येता कायदा सर्वांसाठी समान असावा, असे मत त्यांनी मांडले. "अशा प्रकारची कारवाई केवळ शंका निर्माण करते. प्रश्न असल्यास, त्यांच्यावर निष्पक्ष तपास व्हायला हवा, त्यांना लक्ष्य करू नये," असे ते म्हणाले.