Sanquelim Accident: साखळी बसस्थानकाजवळ अपघात; जीवितहानी टळली

राज्यात अपघाताचं सत्र सुरुच आहे. सातत्याने अपघाताच्या घटना समोर येतायेत. आता साखळीमधून अशीच अपघाताची घटना समोर आलीय. साखळी बसस्थानकाजवळ उतरणीवर पार्क केलेली बस अचानक खाली उतरल्याने अपघात झाला. बसने बाजूला उभ्या असलेल्या दोन कारला धडक दिली. सुदैवाने या अपघातात जीवीतहानी झाली नाही. दुसऱ्या कारमुळे बस अडकून पडली अन्यथा बसस्थानकापर्यंत गेली असती. या अपघातानंतर आता फुटपाथवर पार्किंगला परवानगी देण्यात येवू नये अशी मागणी स्थानिकांकडून केली जात आहे.