Sanjivani Farmers: ..अन्यथा 'ऊस उत्पादक' पुढील निर्णय घेण्यास समर्थ! 'संजीवनी' संदर्भात शेतकरी अधिसूचनेसाठी आग्रही

Sanjivani sugar factory and cane farmers

फोंडा: धारबांदोडा येथील संजीवनी सहकारी साखर कारखाना ऊस उत्पादक शेतकऱ्यांची तातडीची बैठक झाली. या बैठकीत ऊस घेण्याचे तोंडी आश्वासन देण्यापेक्षा कायदेशीर अधिसूचना जाहीर करा, अन्यथा ऊस उत्पादक पुढील निर्णय घेण्यास समर्थ असल्याचा इशारा ऊस उत्पादक संघटनेचे अध्यक्ष राजेंद्र देसाई यांनी दिला.

कारखाना आज सुरू होणार, उद्या सुरू होणार, या आशेवर आम्ही राहिलो आहोत. मुख्यमंत्री डॉ. प्रमोद सावंत यांनी कारखाना बंद राहिला तेव्हापासून शेतकऱ्यांना आर्थिकरूपी मदत सरकारमार्फत केली आहे. मात्र, २९ शेतकऱ्यांना अजून पैसे मिळालेले नाहीत, त्यांनाही सरकारने आर्थिकरूपी तत्कळ मदत द्यावी तसेच ऊस लागवड करण्यासाठी अधिसू्चनाही लवकर काढण्यात यावी, अशी मागणी अध्यक्ष राजेंद्र देसाई यांनी यावेळी केली.