Salvador Do Mund Gramsabha: बेकायदेशीर डोंगरकापणी प्रकरणी सालवादोर दे मूंद ग्रामसभा तापली

राज्यात सध्या डोंगर कापणीचा मुद्दा चांगलाच गाजत आहे. राज्यात बेकायदेशीररित्या डोंगर कापणी केली जात आहे. मात्र सरकार या बेकायदेशीर डोंगर कापणीकडे दुर्लक्ष करत असल्याचे लोकांचे म्हणणे आहे. यातच, सालवादोर दे मूंद ग्रामसभा डोंगर कापणीच्या मुद्यावरुन चांगलीच तापलेली पाहायला मिळाली. ग्रामसभेत जसा डोंगर कापणीचा मुद्दा उपस्थित झाला तसा गावकऱ्यांनी गदारोळ घालण्यास सुरुवात केली. सालवादोरमध्ये जोरकसपणे बेकायदेशीर डोंगर कापणी सुरु असल्याचे उपस्थित गावकऱ्यांनी सांगितले. सरपंच आणि उपस्थित गावकरी यांच्यात या डोंगर कापणीच्या मुद्यावरुन खडाजंगी पाहायला मिळाली. गावकऱ्यांनी यावेळी बेकायदेशीर डोंगर कापणीच्या मुद्यावरुन अनेक प्रश्न उपस्थित केले.