Sattari Robbery Case: सत्तरीत घरात घुसून, चाकू हल्ला करत घर लुटले; लाखोचा ऐवज चोरीला, अज्ञात आरोपीचा शोध सुरू

सत्तरी तालुक्यातील सालेली येथे भरदिवसा घरात घुसून एका महिलेवर चाकू हल्ला करत अज्ञात चोरट्याने सुमारे 2.5 लाख रुपयांचा ऐवज लंपास केल्याची धक्कादायक घटना घडली आहे. या घटनेमुळे परिसरात भीतीचे वातावरण निर्माण झाले आहे.

प्राथमिक माहितीनुसार, एक अज्ञात इसम घरात जबरदस्तीने शिरला आणि घरात एकटीच असलेल्या महिलेला चाकूचा धाक दाखवत तिच्यावर हल्ला केला. त्यानंतर अंदाजे अडीच लाखांचा ऐवज चोरून नेला. या प्रकरणी स्थानिक पोलिस ठाण्यात अज्ञात व्यक्तीविरुद्ध गुन्हा दाखल करण्यात आला आहे. पोलिसांनी घटनास्थळी पंचनामा करून तपास सुरू केला आहे.