Restricted water supply: बार्देश व डिचोलीत मर्यादित पाणीपुरवठा

संपूर्ण बार्देश तालुक्यासह डिचोलीतील काही भागांना पाणीपुरवठा करणाऱ्या अस्नोडा जलशुद्धीकरण प्रकल्पात बिघाड निर्माण झाल्याने आज (शनिवारी) सकाळपासून पाणी पुरवठ्यावर परिणाम झाला. प्रकल्पात बिघाड झाल्याने ही समस्या उदभवली असून, उद्यापर्यंत बार्देशसह डिचोलीत मर्यादित प्रमाणात पाणी पुरवठा करण्यात येणार आहे.

जलशुद्धीकरण प्रकल्पावरील बिघडलेल्या वीज ट्रान्सफॉर्मरची सध्या युद्धपातळीवर दुरुस्ती सुरू आहे. सार्वजनिक बांधकाम खात्याचे अधिकारी दुरुस्तीकामावर लक्ष ठेवून आहेत. हे काम शक्य तितक्या लवकर पूर्ण करण्याचे खात्याचे प्रयत्न आहेत. तरीदेखील पाणीपुरवठा सुरळीत होण्यासाठी उद्यापर्यंत प्रतीक्षा करावी लागेल, असे पाणीपुरवठा खात्याकडून सांगण्यात आले.